15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ոչ ոք չի ասել, որ համայնքային մանկապարտեզը որևէ բանով պետք է զիջի մասնավորին․ Ավինյան․ ՏԵՍԱՆՅՈՒԹ
Հասարակություն
31.07.2023 | 11:58
Աշխատող ծնողներին հնարավորություն կտրվի երեխաներին ավելի երկար թողնել մանկապարտեզներում։ Այս մասին այսօր Երևանի քաղաքապետարանի գործակարգավարական խորհրդակցության ժամանակ ասաց հանրակրթության վարչության պետ Մարգարիտա Խաչատրյանը։
Նա հայտնեց, որ 2022–23 ուսումնական տարում թվով 78 մանկապարտեզներում արդեն գործել են վճարովի երկարօրյա խմբեր, որոնցից օգտվել է 643 սան։ Խաչատրյանը հավելեց նաև, որ հնարավորություն կա ավելի շատ երեխաների ներգրավել, բայց պահանջարկ դեռ չկա։
«Կարծում եմ` իրազեկման խնդիր կա, որովհետև աշխատող ծնողը կուզենա օգտվել այս ծառայությունից»,- նշեց փոխաղաքապետ Տիգրան Ավինյանը։
Ավինյանը հիշեցրեց, որ այս թեմային անդրադարձել են, քանի որ ժողովրդագրական իրավիճակի բարելավման խորհրդի նիստի ժամանակ քննարկվել է հարց, թե ինչու մարդիկ չեն ուզում շատ երեխաներ ունենալ։ Պատասխաններից մեկի հիմքում եղել են նախակրթարանների հետ կապված խնդիրները։
«Այս խնդրի լուծման ճանապարհներից մեկն էլ այն է, որ նախակրթարանների հասանելիությունը պետք է ավելացնել նաև ժամային առումով՝ աշխատող ծնողների համար ստեղծելով հնարավորություն` երեխային ավելի երկար թողնել նախակրթարանում»,- ընդգծեց Ավինյանը։
Համեմատելով համայնքային և մասնավոր մանկապարտեզները և անդրադառնալով հետաքրքրիր ծրագրեր ունեցող մասնավոր մանկապարտեզներին, Ավինյանը նշեց, որ պետք է օրինակ վերցնել․ «Ձեռքի մատների վրա կարելի է հաշվել այն մասնավոր մանկապարտեզները, որոնք որակով ծրագրեր ունեն, մեզ պետք է ամենալավը։ Որևէ մեկը չի ասել, որ համայնքային մանկապարտեզը որևէ բանով պետք է զիջի մասնավորին»։
Մանրամասները՝ տեսանյութում։
