19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ
Ադրբեջանը հայտնում է ԶՈՒ-ում հերթական կորստի մասին
Քաղաքականություն
31.07.2023 | 12:10
Ադրբեջանական զինուժում զինծառայողի մահվան հերթական դեպքն է գրանցվել։ Պետական սահմանապահ ծառայության հաղորդմամբ՝ hուլիսի 30-ին, ժամը 17:10-ին սահմանապահ զորքերի ժամկետային զինծառայող Սաիդ Օմար օղլու Գուրբանովը, ծառայությունից սահմանային ուղեկալ վերադառնալիս հանկարծակի վատ է զգացել։ Չնայած առաջին բուժօգնություն է ցուցաբերվել, բայց զինծառայողի կյանքը փրկել չի հաջողվել։ Նշվում է, որ դեպքի առթիվ կատարվում է քննություն։
Հավելենք,որ վերջին շրջանում Ադրբեջանի ԶՈՒ-ում զինծառայողների շրջանում մահվան դեպքերը կտրուկ ավելացրել են։
Հուլիսի 26-ին Բաքվի ու Կուբաթլուի զորամասերում երկու զինծառայող ինքնասպանություն էր գործել։ Օրերս էլ Գանձակի զորամասերից մեկում ինքնասպան էր եղել 2004 թվականին ծնված զինծառայող Նուրեդին Հուսեյնովը՝ դուրս նետվելով N զորամասի հանրակացարանի պատուհանից։ Վերջին շրջանում սահմանպահ զորքերում էլ մահվան 6 դեպք էր գրանցվել։
Էմմա Չոբանյան
