Արդեն 3-րդ օրն է՝ հումանիտար բեռներ տեղափոխող մեքենաները կանգնած են Կոռնիձորում

Արցախ, հումանիտար, բեռներ

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Առաջին անհրաժեշտության ապրանքներով 19 բեռնատար հուլիսի 26-ից կանգնած է Կոռնիձորի սահմանային հատվածում: Հումանիտար օգնությունը ԼՂ տեղափոխելու հարցում դեռ տեղաշարժ չկա: ԼՂ-ում հումանիտար ճգնաժամի կառավարման աշխատանքային խումբը հուլիսի 25-ին էր որոշում կայացրել պաշարման մեջ գտնվող Արցախ հումանիտար օգնություն ուղարկել, իսկ ճգնաժամային խմբի ներկայացուցիչը նշել էր, որ ռուսական խաղաղապահ զորախմբի հետ կապի մեջ են։ Վարդան Սարգսյանը երեկ երեկոյան, սակայն, նշել էր, որ ռուսական կողմից դեռ պատասխան չեն ստացել։

«Չնայած պնդումներին, որ Լաչինի միջանցքը բաց է, բեռների ու բուժօգնության կարիք ունեցող անձանց տեղաշարժի համար խոչընդոտ չկա, փաստ է մնում, որ բեռնատարները կանգնած են, և հումանիտար ճգնաժամի մեջ գտնվող ԼՂ բնակչությանը բեռը չի կարողանում հասնել»,- ասել էր Վարդան Սարգսյանը։

Հարցին, թե բեռնատարները որքան ժամանակ կմնան Կոռնիձորի սահմանային հատվածում, Սարգսյանը հայտարարել էր, որ հստակ ժամկետներ չկան, նպատակը բեռները Արցախ հասցնելն է։

Կոռնիձորում հումանիտար ավտոշարասյանն այս ընթացքում հետևել են ԵՄ դիտորդական առաքելության ներկայացուցիչները, իսկ այսօր տարածք կայցելեն ՀՀ-ում հավատարմագրված դիվանագիտական կորպուսի և միջազգային կառույցների մի շարք ներկայացուցիչներ:
Կառավարության երեկվա նիստում վարչապետ Նիկոլ Փաշինյանը հումանիտար բեռների մուտքը թույլ չտալը Ադբրեջանի կողմից Լեռնային Ղարաբաղում ցեղասպանության մտադրություն որակեց, որին հաջորդեց Բաքվի արձագանքը։

Ադրբեջանի արտգործնախարարությունը պնդել էր, որ «եթե հայկական կողմն աջակցում է Ադրբեջանի տարածքային ամբողջականությանն ու ինքնիշխանությանը ոչ միայն խոսքով, այլև գործով, ապա պետք է խուսափի սադրիչ քայլերից, աջակցի ադրբեջանական կողմի առաջարկած Աղդամ-Ստեփանակերտ և մյուս այլընտրանքային ճանապարհներին»։

Երեկ Բաքուն նաև ափսոսանք էր հայտնել Եվրամիության բարձր ներկայացուցիչ Ժոզեպ Բորելի հայտարարության կապակցությամբ։ Եվրոպացի բարձրաստիճան դիվանագետն ասել էր, որ Աղդամի ճանապարհը չպետք է դիտարկվի որպես Լաչինի միջանցքի վերաբացման այլընտրանք:

Հայաստանի փոխարտգործնախարար Վահան Կոստանյանն էլ Թվիթերում գրել էր, որ Բաքվից անմարդկային ու ցինիկ հայտարարություններ են հնչում, թե խաղն ավարտված է։ Վարչապետ Նիկոլ Փաշինյանն էլ հայտարարել է, որ բանակցային սեղանի շուրջ Ստեփանակերտին Աղդամով օգնություն տրամադրելու հարց չի քննարկել։

Նշենք, որ 19 բեռնատարները բեռնված են 60 տոննա շաքարավազով, 40 տոննա ձեթով, 100 տոննա ալյուրով, 80 տոննա մակարոնեղենով, 20 տոննա աղով, 12 տոննա մանկական սնունդով, 40 տոննա կաթի փոշիով, 9 տոննա դեղորայքով։

Արփի Հակոբյան