Ադրբեջանը հնարավորություն ունի ինտեգրման շուրջ բանակցել ԼՂ-ի հետ, իսկ ԼՂ-ն կորոշի՝ ինչ է ուզում. ՏԵՍԱՆՅՈՒԹ

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

Հայաստանի հատուկ հանձնարարություններով դեսպան Էդմոն Մարուքյանը Կոռնիձորում լրագրողների հետ զրույցուարձագանքեց Ադրբեջանի նախագահի օգնական Հիքմեթ Հաջիևի թվիթերյան գրառմանը, թե «միջազգային հանրությունը Ղարաբաղի հայությանը պետք է ուղերձ հղի Ադրբեջանին վերաինտեգրվելու կապակցությամբ, այլ ճանապարհ չկա, խաղն ավարտված է»։

Էդմոն Մարուքյանի խոսքով՝  առաջին հերթին դա դիվանագետի հայտարարություն չէ․ «Եթե 100 հազարավոր մարդու կյանքը խաղի հարց է Ադրբեջանի համար, դա թողնում եմ միջազգային հանրության խղճին, թող նրանք դիտարկեն»։

Անդրադառնալով ինտեգրման վերաբերյալ Հաջիևի հայտարարությանը՝ Մարուքյանն ասաց. «Ադրբեջանը հնարավորություն ունի Լեռնային Ղարաբաղի հետ բանակցություններ սկսել ու բանակցել դրա շուրջ: Թող բանակցեն: Լեռնային Ղարաբաղի ներկայացուցիչները կորոշեն, թե իրենք ինչ են ուզում: Միջազգային մեխանիզմի ներքո իրավունքների և անվտանգության երաշխիքի հարցը պետք է Լեռնային Ղարաբաղ-Ադրբեջան բանակցությունների շրջանակում հասցեագրվի»:

Անդրադառնալով Հաջիևի գրառման մեջ տեղ գտած «խաղն ավարտված է» ձևակերպմանը՝ Մարուքյանն ասաց. «Գնացեք, բանակցեք: Թվիթերում չեն բանակցում»:

Ադրբեջանն ավելի վաղ հայտարարությամբ «սադրանք» էր որակել ԼՂ հումանիտար բեռներ ուղարկելու Հայաստանի նախաձեռնությունը: Մարուքյանը շեշտեց՝ դա սադրանք չէ, սովամահությունից մարդկանց փրկելու փորձ է: «Այսինքն՝ ըստ իրենց մարդկանց շրջափակման մեջ պահելը սադրա՞նք չէ, մարդկանց գազը, էլեկտրաէներգիան անջատելը, արտաքին աշխարհի հետ կապը կտրելը սադրա՞նք չէ, բայց նրանց ձեթ, ալյուր, առաջնային դեղորայք, երեխայի կեր հասցնելը սադրա՞նք է:Սադրանքը մարդկանց ցեղասպանության վտանգի առաջ կանգնեցնելն է, սադրանքն էթնիկ զտումն է, սադրանքը սովի մատնված հազարավոր մարդկանց ասելն է, թե «ձեր խաղն ավարտված է»,-ընդգծեց Հատուկ հանձնարարություններով դեսպանը:

Նա նաև հավելեց, որ Հայաստանը հատուկ հայտարարել է, որ մարդասիրական բեռնատարները չեն պատրաստվում գնալ, Հակարիի կամրջին մոտենալ, պատրաստվում են հասնել ՀՀ պետական սահմանին մոտ տարածք և բեռը փոխանցել ՌԴ խաղաղապահ զորախմբին, որ նրանք այն հասցնեն Լեռնային Ղարաբաղ:

«Սա միջազգային մարդասիրական իրավունքի ոտնահարում է: Մարդու իրավունքների զանգվածային ոտնահարում է»,-ասաց Մարուքյանը:

Նա վստահեցրեց՝ որևէ քայլ չկա, որ հայկական կողմը չի արել, բոլոր քայլերն արվում են, սակայն հումանիտար ճգնաժամն օր օրի ավելի է խորանում:

Մարուքյանը հույս հայտնեց, որ կհաջողվի այս բեռները փոխանցել ՌԴ խաղաղապահ զորախմբին, որն էլ այն կտեղափոխի Լեռնային Ղարաբաղ:

Մանրամասները՝ տեսանյութում։