16.05.2026 | 15:05
Մայիսի 19-23-ը Հայաստանում կանցկացվի աշխարհի ամենամեծ և հեղինակավոր՝ գինու համտես-մրցույթը՝ «Կոնկուրս Մոնդիալ դե Բրյուսել»-ը
Ուկրաինան քայլեր է մշակում Ղրիմի ապաօկուպացիայի համար․ Զելենսկի
Քաղաքականություն
27.07.2023 | 17:42
Ուկրաինայի իշխանությունները մշակում են մի շարք քայլեր Ղրիմի ապաօկուպացիայի և վերաինտեգրման համար։ Այս մասին հայտարարել է Ուկրաինայի նախագահ Վլադիմիր Զելենսկին, գրում է Euronews-ը։
Չորեքշաբթի հեռուստաուղերձում Ուկրաինայի ղեկավարը նշել է, որ հուլիսի 26-ին Ուկրաինայի զինված ուժերը լավ արդյունքներ են գրանցել ռազմաճակատում։
«Պատրաստում ենք նաև Ղրիմի ապաօկուպացիայի համար քայլերի ցանկը։ Կոմպլեքսային քայլեր՝ և՛ անվտանգության ոլորտում, և՛ տնտեսական, և՛ սոցիալական։ Մենք կարող ենք բավականին արագ վերաինտեգրել Ղրիմը Ուկրաինայի պետական կառուցվածքին։ Արդեն հիմա այնտեղ՝ Ղրիմում գտնվող օկուպանտները պետք է մտածեն, որ քանի դեռ Ղրիմի կամուրջն ինչ-որ կերպ գործում է, պետք է տուն վերադառնան՝ Ռուսաստան»,- հայտարարել է Ուկրաինայի նախագահը։
Ռուսաստանը բազմիցս զգուշացրել է, որ Ղրիմն իր վերահսկողության տակ վերցնելու՝ Ուկրաինայի փորձերին կհետևի կոշտ արձագանք։
Ուկրաինայի Պաշտպանության նախարարությունն էլ օրերս հայտնել էր, որ հարավային ուղղությամբ հակահարձակման ընթացքում Ուկրաինայի զինված ուժերն ազատագրել են գրեթե 200 քառակուսի կիլոմետր տարածք։
