19.02.2026 | 10:20
Հունաստանում փոխըմբռնման հուշագիր է ստորագրվել թվայնացման և բարձր տեխնոլոգիաների ոլորտում համագործակցության մասին
Հայաստանը համապատասխան օղակներով դիմել է Ադրբեջանին հումանիտար օգնությունը ԼՂ հասցնելու հարցով․ Վարդան Սարգսյան
Քաղաքականություն
27.07.2023 | 15:05
Լեռնային Ղարաբաղի համար նախատեսված հումանիտար բեռը գրեթե 20 ժամ է` Կոռնիձորի սահմանային հատվածում է: Այս մասին լրագրողների հետ ճեպազրույցում հայտնել է ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը:
«Գործընթացը պահանջում է որոշակի ըմբռնում, համբերատար մոտեցում և քայլերի որոշակի հաջորդականություն: Եվ այս պահին մենք որևէ արձագանք դեռ չենք ստացել, սպասում ենք արձագանքի»,- ասել է նա։
Վարդան Սարգսյանը, միաժամանակ, տեղեկացրել է, որ բեռնատարները Լեռնային Ղարաբաղ հասցնելու հարցով սահմանված կարգով դիմել են ՌԴ խաղաղապահ ուժերին, համապատասխան օղակներով՝ նաև ադրբեջանական կողմին։
Լրագրողի հստակեցնող հարցին՝ «քար լռությո՞ւն է», Վարդան Սարգսյանը պատասխանել է. «Կարող ենք նաև այդպես ասել, թերևս»:
