16.05.2026 | 15:05
Մայիսի 19-23-ը Հայաստանում կանցկացվի աշխարհի ամենամեծ և հեղինակավոր՝ գինու համտես-մրցույթը՝ «Կոնկուրս Մոնդիալ դե Բրյուսել»-ը
ԱԴԾ-ն Թուրքիայից Ռուսաստան մեկնող ևս մեկ նավի է արգելել անցնել Կերչի նեղուցով
Քաղաքականություն
27.07.2023 | 14:24
ՌԴ ԱԴԾ-ն հայտնում է, որ Թուրքիայից Ռուսաստան մեկնող ևս մեկ օտարերկրյա նավում պայթուցիկ նյութերի հետքեր են հայտնաբերել, ինչի պատճառով նավին արգելվել է անցնել Կերչի նեղուցով, փոխանցում է Ինտերֆաքսը։
Նշվում է, որ «ահաբեկչական և դիվերսիոն գործողությունները կանխելու և նավագնացության անվտանգությունն ապահովելու շրջանակում ԱԴԾ-ն հայտնաբերել է ևս մեկ օտարերկրյա քաղաքացիական նավ, որը նախկինում կարող էր օգտագործվել Ուկրաինայի տարածք պայթուցիկներ հասցնելու համար»։
Հաղորդվում է, որ չորեքշաբթի «ВМО RIVER» բեռնատար նավի փրկանավակի վրա, որը Թուրքիայի Սինոպ նավահանգստից Կերչի նեղուցով դեպի Ռոստովի նավահանգիստ է ուղևորվել հացահատիկային մշակաբույսերի բեռնման համար, «հայտնաբերվել են դինտրոտոլուեն և տրոտիլ պայթուցիկ նյութերի հետքեր»։ Նշվում է նաև, որ հունիսին և հուլիսին նավը երկու անգամ ուղևորվել է Ուկրաինայի Ռենի նավահանգիստ։ Հատուկ ծառայությունը որոշում է կայացրել արգելել նավի անցումը Կերչի նեղուցով։
Հիշեցնենք, որ օրերս Թուրքիայից ևս մեկ նավի մուտքն էր արգելվել Կերչի նեղուցով։
ՌԴ ԱԴԾ-ն կրկին հայտնել էր, որ «հուլիսի 22-ին Թուրքիայից Դոնի Ռոստովի նավահանգիստ շարժվող նավում «հայտնաբերվել են դինիտրոտոլուոլի և տետրիլ պայթուցիկ նյութերի հետքեր»։
Էմմա Չոբանյան
