24.11.2024 | 21:00
«Կանաչ» հիմնադրամներից շատերն այնքան էլ կանաչ չեն. ապաքաղաքական զրույց Ինգա Զարաֆյանի հետ․ ՏԵՍԱՆՅՈՒԹ
ԱՄՆ-ը Միջազգային քրեական դատարանին կփոխանցի Ուկրաինայում ՌԴ ռազմական հանցագործությունների վերաբերյալ իր ապացույցները
Քաղաքականություն
27.07.2023 | 13:20
ԱՄՆ նախագահ Ջո Բայդենը ոչ հրապարակային կարգադրել է իր վարչակազմի պաշտոնյաներին՝ Հաագայի Միջազգային քրեական դատարանին փոխանցել Ուկրաինայում Ռուսաստանի ռազմական հանցագործությունների վերաբերյալ իրենց ապացույցները։ Այս մասին հայտնում է The New York Times-ը՝ հղում անելով աղբյուրներին, փոխանցում է Meduza-ն։
Լրագրողների տվյալներով՝ Բայդենը նման որոշում է ընդունել վերջերս՝ չնայած նրան, որ Պենտագոնը մի քանի ամիս դեմ էր հանդես գալիս ՄՔԴ նման տեղեկատվության փոխանցմանը։
Ավելի վաղ գրել էր The New York Times-ը գրել էր, որ զինվորականները մտավախություն ունեն, որ նման համագործակցությունը նախադեպ կստեղծի, որի պատճառով դատարանը կարող է հետագայում քրեական պատասխանատվության ենթարկել ամերիկացիներին։
Պարզ չէ, թե ինչո՞ւ է Բայդենն այդքան երկար ընդունել այս որոշումը և ի՞նչն է առիթ դարձել ի վերջո դրա ընդունմանը։ ԱՄՆ նախագահի վարչակազմը դեռ պաշտոնապես չի հայտարարել իր քաղաքականության մեջ փոփոխությունների, ինչպես նաև այն մասին, թե ինչպես է Վաշինգտոնը պատրաստվում համագործակցել Հաագայի դատարանի հետ։ Սակայն այս մասին հուլիսի 25-ին Սպիտակ տունը ծանուցել է Կոնգրեսի անդամներին։
Ըստ լրատվամիջոցի՝ ամերիկյան հատուկ ծառայությունների տեղեկությունների շարքում Հաագային կարող է հետաքրքրել այն, թե ինչպես են ռուս պաշտոնյաները որոշումներ ընդունել հարվածել Ուկրաինայի քաղաքացիական ենթակառուցվածքներին և հազարավոր ուկրաինացի երեխաներին դուրս բերել Ռուսաստանի կողմից օկուպացված տարածքներից: ԱՄՆ-ն այս տեղեկությունների մի մասով արդեն կիսվել է Ուկրաինայի դատախազության հետ, սակայն մինչ այս ձեռնպահ էր մնում Հաագայի դատարանի հետ համագործակցությունից։
Էմմա Չոբանյան
