24.11.2024 | 13:40
Օդի ջերմաստիճանը կնվազի 6-10 աստիճանով
Պուտինից ենք պահանջում, էս ամեն ինչը նաև իր տակն ա․ անհետ կորածների հարազատները դիմում են ՌԴ նախագահին․ ՏԵՍԱՆՅՈՒԹ
Քաղաքականություն
26.07.2023 | 16:34
Նախագահական նստավայրի մոտ, որտեղ ժամանակավորապես տեղափոխվել է վարչապետ Նիկոլ Փաշինյանը, բողոքի ակցիա են իրականացնում Էջմիածնի «Քիմիկների» զորամասի զինծառայողների ծնողները, որոնց զավակներին 2021 թվականի հոկտեմբերի 21-ին տեղափոխել էին Արցախ՝ մարտական առաջադրանքի, սակայն նրանք հայտնվել էին շրջափակման մեջ ու անհետ կորել:
Անհետ կորածների հարազատները առավոտից փակել էին Բաղրամյան պողոտան, այժմ նստացույց են սկսել, պահանջում են հանդիպում վարչապետ Նիկոլ Փաշինյանի հետ։
Նրանք պնդում են՝ իրենց զավակներն անհետ կորած չեն, գերեվարված են։
Ծնողներին դեռ մեկ շաբաթ առաջ էին խոստացել, որ հանդիպում կլինի վարչապետի հետ, սակայն այն այդպես էլ տեղի չի ունեցել։
«Մենք պահանջում ենք նաև Պուտինից, որովհետև էս ամեն ինչը նաև նրա տակն է։ Եռակողմ համաձայնագիր է ստորագրվել, գերիների, անհետ կորածների վերադարձն ապահովել պարտավորվել է նաև Պուտինը։ Մոտակա օրերին սպասվում է հանդիպում, Փաշինյանը թող պահանջի Պուտինից վերադարձնել մեր գերիներին ու անհետ կորածներինն»,-ասաց անհետ կորած զինծառայողներից մեկի ծնողը։
Մանրամասները՝ տեսանյութում։
