14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ինչի՞ ենք սպասում, որ ինչ-որ մեկը գա մեզ փրկի. ոչ ոք չի փրկելու. Դավիթ Հակոբյան․ ՏԵՍԱՆՅՈՒԹ
Քաղաքականություն
25.07.2023 | 21:41
Ես գիտեմ մի պարզ ճշմարտություն․ աշխարհում չկա մի իրավիճակ, որից ելք չլինի, չկա մի փոս, որից դուրս գալու հնար չլինի։ Այս մասին Երևանի Ազատության և Ստեփանակերտի Վերածննդի հրապարակներում ընթացող համաժամանակյա հանրահավաքի ընթացքում ելույթ ունենալով՝՝ նշեց Հայաստանի վաստակավոր արտիստ Դավիթ Հակոբյանը։
«Մի միջնադարյան առակ կա, մի խեղճ էշ ընկնում է փոսը, տերը գալիս է չի կարողանում հանել, ասում է՝ հողով ծածկեմ, էշը չտառապի, բահերով հողը լցնում են էշի վրա, էշն իրեն թափ է տալիս, հողը ոտքի տակին բարձրանում է, հասնում է իրենց մակարդակին ու ազատվում, գնում է։ Բա, մի էշի չափ էլ չկա՞նք։
Ինչի՞ եք նստել սպասում, որ ինչ-որ մեկը գա, մեզ փրկրի, ե՞րբ է եկել, փրկել, որ այսօր փրկի։ Ոչ ոք չի փրկելու մեզ։ Ինչո՞ւ եք համակերպվել նվաստացման հետ, պարտվածի հետ, ե՞րբ չենք ունեցել պարտություն, երբ չենք ունեցել հաղթանակ, բայց այսքան հիասթափվա՞ծ, թե՞ ձեզ թվում է աշխարհի վերջն է, թե՞ ձեզ թվում է այսօր ապրում ենք հայ ժողովրդի համար ամենածայրահեղ վիճակը, ոչ, այդ ծայրահեղ վիճակը պարբերաբար ապրել ենք․․․ Ոտքի՛ կանգնեք, սպանե՛ք ձեր միջի ստրուկին, հերիք եղավ»։
Մանրամասները՝ տեսանյութում։
