25.11.2024 | 11:40
ՌԴ-ն ակնկալում է հասնել Հայաստանի հետ ապրանքաշրջանառության ռեկորդային ցուցանիշի՝ 14-16 միլիարդ դոլարի․ Սերգեյ Կոպիրկին
Անթալիայում անտառային հրդեհներ են․ 14 մարդ է տուժել
Քաղաքականություն
25.07.2023 | 21:06
Թուրքական Անթալիայի հանգստավայրային Քեմեր շրջանում գիշերն անտառային հրդեհ է բռնկվել։ Վաղ առավոտյան 10 ինքնաթիռ և 22 ուղղաթիռ է միացել հրդեհաշիջման աշխատանքներին, գրում է Bianet-ը։
Հրդեհի հետևանքով առաջացած ծխի պատճառով վեց մարդ շտապ տեղափոխվել է հիվանդանոց։ Անթալիայի նահանգապետ Էրսին Յազըջըն հայտարարություն է տարածել՝ նշելով, որ որպես նախազգուշական միջոց՝ իշխանությունները տարհանել են հրդեհի գոտուն մոտ գտնվող տասը բնակավայրերի բնակիչներին։
Քեմերի պետական հիվանդանոց ընդունված 14 հիվանդներից 12-ը դուրս է գրվել, իսկ երկուսը տեղափոխվել են այլ հիվանդանոցներ։ Նահանգապետը նաև հայտնել է, որ ակտիվ աշխատանքներ են տարվում հրդեհը վերահսկելու ու մարելու համար։
Ուժգին քամու հետևանքով կրակը տարածվել է մոտ 3,5 կիլոմետր դեպի արևմուտք։
Էմմա Չոբանյան
