24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Դրանք պաշտոնական թիրախներ են․ Ուկրաինայի ՊՆ ղեկավարը՝ Ղրիմի և Կերչի կամրջի վրա հարձակումների մասին
Քաղաքականություն
25.07.2023 | 12:52
Ուկրաինայի պաշտպանության նախարար Ալեքսեյ Ռեզնիկովը CNN-ին տված հարցազրույցում հայտարարել է, որ երկրի զինված ուժերը շարունակելու են հարվածներ հասցնել Կերչի կամրջին և Ղրիմի թերակղզուն, փոխանցում է BBC-ի ռուսական ծառայությունը։
«Այդ բոլոր թիրախերը պաշտոնական են, այդ պատճառով էլ (հարվածները) նվազեցնում են մեր դեմ կռվելու նրանց կարողությունը և օգնում են ուկրաինացիների կյանքեր փրկել»,- ասել է Ռեզնիկովը։
Հարցին՝ արդյո՞ք Ուկրաինայի մտադրությունը ներառում է Կերչի կամրջի ամբողջական ոչնչացումը, նա պատասխանել է․ «Դա նորմալ մարտավարություն է՝ ոչնչացնել թշնամու նյութատեխնիկական գծերը՝ զինամթերքի, վառելիքի, սննդի և այլնի մատակարարման ուղիները կտրելու համար: Ուստի մենք այս մարտավարությունը կիրառելու ենք նրանց դեմ»։
Անցյալ երեքշաբթի Ուկրաինայի զինված ուժերը հարված էին հասցրել Ղրիմում զինամթերքի պահեստին, իսկ մեկ շաբաթ առաջ անօդաչու սարքերը հարվածել էին Կերչի կամրջին։ Նախօրեին ևս անօդաչուների հարձակման հետևանքով պայթյուն էր տեղի ունեցել Ղրիմի զինամթերքի պահեստում։
Էմմա Չոբանյան
