16.05.2026 | 15:05
Մայիսի 19-23-ը Հայաստանում կանցկացվի աշխարհի ամենամեծ և հեղինակավոր՝ գինու համտես-մրցույթը՝ «Կոնկուրս Մոնդիալ դե Բրյուսել»-ը
Մինչև 2024 թվականի ամառ Կիևը կհաղթի պատերազմում, որից հետո երկիրը կհրավիրվի ՆԱՏՕ․ Ուկրաինայի ՊՆ ղեկավար
Քաղաքականություն
24.07.2023 | 15:47
Ուկրաինայի պաշտպանության նախարար Ալեքսեյ Ռեզնիկովը CNN-ին տված հարցազրույցում ասել է, որ մինչև ՆԱՏՕ-ի հաջորդ գագաթնաժողովը ռուս-ուկրաինական պատերազմը կավարտվի Կիևի հաղթանակով, որից հետո երկիրը կհրավիրվի դաշինք։
Ռեզնիկովը հիշեցրել է, որ Հյուսիսատլանտյան դաշինքի հաջորդ գագաթնաժողովը, որն անցկացվելու է 2024 թվականի հուլիսին Վաշինգտոնում, հոբելյանական է լինելու, նշվելու է ՆԱՏՕ-ի հիմնադրման 75-ամյակը։
«Ո՞վ գիտի, գուցե այս օրը շատ կարևոր դառնա Ուկրաինայի համար»,- ասել է նախարարը՝ հավելելով, որ սա «միայն կանխատեսում է»։
Ռեզնիկովը պարզաբանել է, որ երկիրը չի կարող մտնել ՆԱՏՕ-ի կազմ, քանի դեռ լայնամասշտաբ պատերազմ է ընթանում, թեև Ուկրաինայի զինված ուժերը հիմնականում կատարում են դաշինքի պահանջները։ Նախարարը խոստացել է, որ Ուկրաինան կշարունակի իրականացնել անհրաժեշտ բարեփոխումները ՆԱՏՕ-ին անդամակցելու համար։
Ռեզնիկովը նաև ասել է, որ մինչև 2024 թվականի գարուն ուկրաինացի օդաչուները օդ կբարձրանան ամերիկյան F-16 կործանիչներով։
