18.09.2026 | 18:23
Համաշխարհային օլիմպիադա. Շախմատի Հայաստանի հավաքականները դարձյալ հաղթեցին
Ադրբեջանի մեջլիսի նախագահը՝ Ղարաբաղի հարցում Թուրքիայի քաղաքականության մասին
Քաղաքականություն
10.07.2018 | 21:00
Ադրբեջանի խորհրդարանի նախագահ Օքթայ Ասադովը թուրքական «Anadolu» պետական լրատվական գործակալության հետ զրույցում, խոսել է հայ-թուրքական, թուրք-ադրբեջանական հարաբերությունների, ինչպես նաև ղարաբաղյան հակամարտության մասին։
Ադրբեջանցի պաշտոնյան, ընդգծելով, որ հայ-թուրքական հարաբերությունների կարգավորումը կապված է ղարաբաղյան հիմնախնդրի հետ, ասել է.
«Ադրբեջանի համար ամենածանր խնդիր համարվող Ղարաբաղի հարցում միջազգային հանրությանն ուղղված Թուրքիայի՝ արդարություն ցուցաբերելու կոչերը, ինչպես նաև վերջինիս նախաձեռնություններն այդ հարցում առկա երկակի ստանդարդների դեմ, բխում են թուրք և ադրբեջանցի ժողովուրդների շահերից»։
Ասադովն ընդգծել է, որ ներկա աշխարհաքաղաքական պայմաններում Ադրբեջանի արտաքին քաղաքականության մաս է կազմում Թուրքիայի հետ հարաբերությունների ընդլայնումը և զարգացումը։
«Հուսով եմ, որ թուրք-ադրբեջանական ռազմավարական համագործակցությունն ավելի կամրապնդվի և կընդլայնվի։ Այդ համագործակցությունը կլինի ի նպաստ մեր ժողովուրդների։ Մեր հարաբերությունները իրար հետ կապված են անքակտելի հանգույցներով»,- հավելել է Ասադովը։
Աղբյուրը՝ ermenihaber.am
