14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Վագներն» Ուկրաինայում 22 հազար վարձկան է կորցրել
Քաղաքականություն
20.07.2023 | 15:19
Ռուսական «Վագներ» ռազմականացված խմբավորման կորուստներն Ուկրաինայի դեմ պատերազմի ընթացքում կազմել են 22 հազար մարդ։ Սա նշանակում է, որ խմբավորման յուրաքանչյուր երրորդ վարձկան չի վերադարձել պատերազմի դաշտից։
Վիճակագրությունն արտացոլում է 2022 թվականի փետրվարին ռուսական ներխուժման սկզբից մինչև 2023 թվականի մայիսը Բախմուտի գրավման ժամանակահատվածը։ Միաժամանակ, շուրջ 40 հազար վարձկան վիրավորվել է։ Այս մասին հաղորդում է DW-ի ռուսական ծառայությունը՝ վկայակոչելով «Վագներին» մոտ կանգնած «Ռազգրուզկա Վագներա» Telegram-ալիքը, որին տվյալները փոխանցել է խմբավորման հրամանատարներից մեկը՝ Մարքս կեղծանվամբ։
Հրամանատարի խոսքով՝ «Վագների» կազմում պատերազմի ընթացքում եղել է 78 հազար վարձկան, որոնցից 49 հազարը՝ բանտարկյալներ։
Մոսկվան լռում է զոհերի թվի մասին. ՌԴ Պաշտպանության նախարարությունը վերջին տվյալները հրապարակել է շուրջ 10 ամիս առաջ՝ 2022 թվականի սեպտեմբերին՝ նշելով, որ զոհվածների ընդհանուր թիվը 5,937 է։
Տաթև Ֆռանգյան
