Պարսից ծոցի երկրներ այցերի ընթացքում Էրդողանին ուղեկցում է թուրքական մասնավոր ռազմականացված ընկերության տնօրենը, թեև Թուրքիայի նախագահը հերքում է դրա հետ կապերը

Լուրեր

19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
19.11.2026 | 10:00
ԱԺ-ն քննարկում է 2027 թվականի բյուջեի նախագիծը. ՈՒՂԻՂ
19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
Բոլորը

Թուրքիայի նախագահ Ռեջեփ Թայիփ Էրդողանի հետ կապեր ունեցող SADAT International Defense Consultancy ընկերության գործադիր տնօրենը նրան ուղեկցում է Պարսից ծոցի երկրներ շրջագայության ընթացքում։ Անցյալ տարի Էրդողանը հերքել էր, որ կապ ունի ընկերության հետ։

SADAT-ը Թուրքիայի առաջին ռազմականացված խորհրդատվական ընկերությունն է, հիմնադրվել է Էրդողանի նախկին օգնական Ադնան Թանրըվերդիի և 23 պաշտոնաթող զինվորականների կողմից 2012 թվականի փետրվարի 28-ին: Ընկերության գործադիր տնօրենը Թանրըվերդիի որդին է՝ Մելիհ Թանրըվերդին:

Թանրըվերդին մասնակցել է Թուրքիայի արտաքին տնտեսական հարաբերությունների խորհրդի (DEİK) և Սաուդյան Արաբիայի ներկայացուցիչների միջև կայացած գործարար համաժողովին՝ այդ երկիր Էրդողանի այցի շրջանակում։

«Թուրքիա-Սաուդյան Արաբիա բիզնես ֆորումի հանդիպումները դեռ շարունակվում են»,- գրել է նա թվիթերյան իր էջում և լուսանկարներ հրապարակել միջոցառումից։

Էրդողանի Կատար և ԱՄԷ այցի շրջանակում ևս նա եղել է թուրքական գործարար պատվիրակության կազմում։ Այս մասին ևս վկայում են Թանրըվերդիի թվիթերյան գրառումները։

Դեռևս 2022 թվականի մայիսին գլխավոր ընդդիմադիր Ժողովրդահանրապետական կուսակցության (CHP) նախագահ Քեմալ Քըլըչդարօղլուն հայտարարել էր, որ SADAT-ը մեղավոր կլինի, եթե սպառնա 2023 թվականի ընտրությունների անվտանգությանը։

«SADAT-ը ռազմականացված կազմակերպություն է։ Նրանք նախկինում եղել են Էրդողանի խորհրդականները։ Այս կազմակերպությունը նաև պատրաստում է մարդկանց ոչ սովորական պատերազմի, դիվերսիաների, արշավանքների, ավերածությունների, սպանությունների և ահաբեկչության համար: Դա կազմակերպություն է, որը պատրաստում է ահաբեկիչներին»,- ասել էր նա։

Այս հայտարարություններից օրեր անց Էրդողանը հերքել էր ընկերության հետ իր կապերը։ Ընկերությունն ավելի ու ավելի մեծ ուշադրություն է գրավել ԱՄՆ-ի պնդումների պատճառով, որ նա մարզում է սիրիացիների, որոնք այնուհետև ուղարկվում են աջակցելու թուրքամետ ուժերին պատերազմական գոտիներում, ինչպիսին է Լիբիան:

2021 թվականի հունիսին իշխող «Արդարություն և զարգացում» կուսակցությունը և նրա դաշնակից «Ազգայնական շարժում» կուսակցությունը մերժել էին  SADAT-ի հակասական գործունեությունը հետաքննելու՝ խորհրդարանի միջնորդությունը։

Այս ընկերության շուրջ քննարկումները վերջերս սկսեցին թուրքական տիրույթում ավելի ակտիվանալ, երբ ՌԴ-ում ռուսական մասնավոր ռազմական «Վագներ» խմբավորումը Եվգենի Պրիգոժինի գլխավորությամբ հունիսի 24-ին  ապստամբության փորձ ձեռնարկեց՝ շարժվելով դեպի մայրաքաղաք Մոսկվա։ Այս ամենին արձագանքել էր նաև Քըլըչդարօղլուն։

«Հուսով եմ, որ Ռուսաստանում տեղի ունեցածը դաս կլինի, քանի որ ռուսական «Վագները» Թուրքիայի SADAT-ն է։ Եվս մեկ անգամ հայտարարում եմ, որ մենք թույլ չենք տա որևէ կիսառազմական կառույցի գործունեություն, որը ժողովրդի թշնամին է»,- գրել էր թուրքական ընդդիմության առաջնորդը թվիթերյան իր էջում։

Էմմա Չոբանյան