25.07.2026 | 10:10
ՀՀ տարածքում ավտոճանապարհներն անցանելի են
Պեսկովը հայտարարել է հացահատիկային գործարքի դադարեցման մասին
Քաղաքականություն
17.07.2023 | 13:51
Սևծովյան համաձայնագրերն այսօր փաստացի դադարել են գործել, հացահատիկային գործարքի վերաբերյալ Ռուսաստանին վերաբերող պայմանավորվածությունների մասը չի կատարվել։ Այս մասին լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Իրականում այսօր դադարել են գործել սևծովյան համաձայնագրերը: Ինչպես ավելի վաղ ասել էր ՌԴ նախագահը՝ վերջնաժամկետը հուլիսի 17-ն է: Ցավոք, այս սևծովյան համաձայնագրում Ռուսաստանին վերաբերող հատվածը մինչ օրս չի կատարվել: Դրա ազդեցությունը դադարեցվել է»,- ասել է Պեսկովը։
«Երբ համաձայնագրի ռուսական մասը կատարվի, ռուսական կողմն անմիջապես կվերադառնա այս գործարքի իրականացմանը»,- հավելել է նա։
Տաթև Ֆռանգյան
