16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Էրդողանը եռօրյա շրջագայություն է սկսում Պարսից ծոցի երկրներ՝ միլիարդավոր դոլարների գործարքների ակնկալիքով
Քաղաքականություն
17.07.2023 | 12:46
Թուրքիայի նախագահ Ռեջեփ Թայիփ Էրդողանը եռօրյա շրջագայությամբ մեկնում է Պարսից ծոցի երկրներ։ Այս մասին ասվում է Թուրքիայի նախագահի աշխատակազմի տարածած հաղորդագրությունում, փոխանցում է Անադոլու գործակալությունը։
Էրդողանը նախատեսում է հուլիսի 17-20-ը պաշտոնական այցեր կատարել Սաուդյան Արաբիա, Կատար և ԱՄԷ, ինչպես նաև Հյուսիսային Կիպրոսի Թուրքական Հանրապետություն, որը ճանաչված է միայն Անկարայի կողմից։
Թուրքիայի ղեկավարն այս երկրների առաջնորդների հետ կքննարկի երկկողմ հարաբերությունների տարբեր ասպեկտները, միջազգային և տարածաշրջանային խնդիրներ։ Մտքերի փոխանակում է լինելու նաև մի շարք ոլորտներում համագործակցության զարգացման շուրջ, առաջին հերթին՝ տնտեսության և ներդրումների։
Հավելենք, որ թուրք բարձրաստիճան պաշտոնյաներն ավելի վաղ Reuters-ին հայտնել էին, որ հույս ունեն հաստատել Ծոցի երկրներից շուրջ 10 միլիարդ դոլարի ուղղակի ներդրում Էրդողանի այցից հետո, այնուհետև՝ ընդհանուր 25-ից 30 միլիարդ դոլարի՝ ավելի երկար ժամանակահատվածում:
Իր այցի ընթացքում Էրդողանն ակնկալում է հաստատել բազմամիլիարդանոց գործարքներ, որոնք կարող են ներառել թուրքական պետական ակտիվների մասնավորեցումից մինչև ուղղակի ներդրումներ, պաշտպանական արդյունաբերության գործարքներ, բիզնեսի ձեռքբերումներ կամ պայմանագրեր:
Էմմա Չոբանյան
