14.09.2026 | 14:30
ԱԺ քառօրյայի մեկնարկը` ՈՒՂԻՂ
Լրագրող Կարեն Շահինյանը ներառվել է ՌԴ ահաբեկիչների և ծայրահեղականների ռեեստրում
Քաղաքականություն
14.07.2023 | 18:20
«Ռոսֆինմոնիթորինգ»-ն ահաբեկիչների և ծայրահեղականների ռեեստրում է ներառել լրագրող, բլոգեր Կարեն Շահինյանին։ Այս մասին ասված է գերատեսչության կայքում հրապարակված հաղորդագրությունում։
2022 թվականի ապրիլին նա նաև ճանաչվել էր օտարերկրյա գործակալ։
Շահինյանը աշխատել է «Коммерсантъ деньги»-ում, եղել է Slon պարբերականի փոխխմբագիր։ Միխայիլ Զիգարի և Տիմուր Բեկմամբետովի հետ հիմնել են «Ապագայի պատմություն» ստուդիան, որին են պատկանում «1917։ Ազատության պատմություն»-ը, «1968.digital»-ը և «Շարժական արվեստի թատրոն»-ը։
«Ռոսֆինմոնիթորինգ»-ի մամուլի ծառայությունում պարզաբանել են, որ հանցագործությունից ստացված եկամուտների օրինականացման և ահաբեկչության ֆինանսավորման դեմ պայքարի մասին օրենսդրությունը նախատեսում է ահաբեկիչների ու ծայրահեղականների ռեգիստրում ընդգրկված անձանց անկանխիկ միջոցների, արժեթղթերի և գույքի հետ գործարքների արգելք։
