24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Եվրոպայում անոմալ շոգեր են
Քաղաքականություն
14.07.2023 | 17:25
Ցերբերուս անտիցիկլոնը հարավային և կենտրոնական Եվրոպա է բերել ծայրաստիճան շոգ, որը, ինչպես կանխատեսվում է, զգալիորեն կուժեղանա հանգստյան օրերին: Այս մասին հուլիսի 13-ին հայտնել է Associated Press գործակալությունը։
Հուլիսի 14-ից միջերկրածովյան Եվրոպայի որոշ հատվածներում ջերմաստիճանը կհասնի 45 աստիճանի: Եվրոպական տիեզերական գործակալությունը, որը հետևում է Ցերբերուսին, նախազգուշացրել է, որ ջերմային ալիքը կտարածվի նաև դեպի հյուսիս։
«Իտալիան, Իսպանիան, Ֆրանսիան, Գերմանիան և Լեհաստանը կբախվեն հզոր ջերմային ալիքի հետ, Սիցիլիա և Սարդինիա կղզիներում սպասվում է մինչև 48 աստիճան շոգ»,- հայտնում է գործակալությունը:
Որոշ երկրների իշխանությունները միջոցներ են ձեռնարկում բնակչությանն անոմալ շոգի ազդեցությունից պաշտպանելու համար։ Այսպես, Հունաստանում փոխվել են պետական կառույցների և մասնավոր հատվածի աշխատանքի ժամերը։ Մարդիկ SMS հաղորդագրություններով տեղեկացվում են փողոցում գտնվելու վտանգի մասին։
Կիպրոսի իշխանությունները կղզու բնակիչներին հորդորել են խուսափել անտառապատ տարածքներից՝ հրդեհների առաջացման վտանգի պատճառով։ Իսկ Իտալիայում գովազդային արշավներ են սկսել՝ քաղաքաբնակներին հիշեցնելով իրենց ընտանի կենդանիներին խնամելու և պարբերաբար տարեց հարազատներին այցելելու մասին:
Տաթև Ֆռանգյան
