23.04.2026 | 13:24
ՌԴ-ին հրավիրել են մասնակցելու G20-ի գագաթնաժողովին
Իրանը դեմ է Հարավային Կովկասում սահմանների փոփոխությանը․ Աբդոլահիանը՝ Բաքվում
Քաղաքականություն
05.07.2023 | 17:08
Թեհրանը կողմ է տրանսպորտային հաղորդակցությունների ապաշրջափակմանը Հարավային Կովկասի տարածաշրջանում, որն ունի մեծ տարանցիկ ներուժ։ Այս մասին Բաքվում լրագրողների հետ զրույցում հայտարարել է Իրանի ԱԳ նախարար Հոսեյն Ամիր Աբդոլահիանը, որն Ադրբեջանում մասնակցում է Չմիավորման շարժման կազմակերպության համակարգող բյուրոյի նախարարական հանդիպմանը։
«Մենք աջակցում ենք Հարավային Կովկասում հաղորդակցությունների բացմանը։ Խաղաղ բանակցություններն Ադրբեջանի և Հայաստանի միջև պետք է շարունակվեն Ռուսաստանի, Ադրբեջանի և Հայաստանի ղեկավարների կողմից ստորագրված եռակողմ հայտարարության համաձայն: Եթե տարածաշրջանում վերականգնվեն տրանսպորտային և հաղորդակցական կապերը, Հարավային Կովկասը կարող է դառնալ աշխարհի տարանցիկ կենտրոն։ Միաժամանակ, պետք է նշենք, որ մենք դեմ ենք Հարավային Կովկասում սահմանների փոփոխությանը»,- ասել է Իրանի ԱԳ նախարարը։
Նա նաև հավելել է, որ Հարավային Կովկասի խնդիրները կարող են լուծվել միայն համագործակցության միջոցով։
Էմմա Չոբանյան
