23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Ալիևը դարձյալ պահանջներ է ներկայացրել ՀՀ-ին և խոսել «Զանգեզուրի միջանցքից»
Քաղաքականություն
05.07.2023 | 12:23
Ադրբեջանի նախագահ Իլհամ Ալիևը շարունակում է իր ագրեսիվ հռետորաբանությունը Հայաստանի ու Արցախի նկատմամբ։
Մասնավորապես, այսօր նա կրկին մի շարք պահանջներ է ներկայացրել Բաքվում անցկացվող Չմիավորման շարժման համակարգող բյուրոյի նախարարական հանդիպման ժամանակ:
«Եթե Հայաստանն իսկապես շահագրգռված է տարածաշրջանում երկար սպասված խաղաղությանը հասնելու մեջ, ապա ՀՀ ԶՈՒ-ն պետք է ամբողջությամբ լքի Ղարաբաղի շրջանը: Տեղում գտնվող հայկական ռազմական ստորաբաժանումները պետք է զինաթափվեն և զորացրվեն»,-հայտարարել է Ալիևը։
Ադրբեջանի նախագահը արդեն տևական ժամանակ է նման պահանջհնչեցնում, սակայն հայկական կողմը բազմիցս նշել է, որ ՀՀ-ն Արցախում զինված ուժեր չունի։
Ալիևը նաև խոսել է «Զանգեզուրի միջանցքի» թեմայից՝ նշելով՝ «Հայաստանը խոչընդոտում է դրա բացմանը, որը 2020 թ-ի նոյեմբերի 10-ի փաստաթղթից բխող պարտավորություն է և պետք է իրագործվի»։
ՀՀ-իշխանությունները պարբերաբար անդրադառնում են Ալիևի նաև այս թեզին՝ շեշտելով, որ եռակողմ փաստաթղթում նմանատիպ միջանցքի մասին որևէ դրույթ չկա, փոխարենն առկա է Լաչինի միջացքի մասին ձևակերպում, որը Ադրբեջանը շարունակում է ապօրինաբար փակ պահել՝ խախտելով համաձայնությունը։
