14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Meta-ն նոր ծառայություն է գործարկում՝ Threads-ը, որը պետք է դառնա Twitter-ի մրցակիցը
Քաղաքականություն
04.07.2023 | 22:08
Meta-ն Instagram-ի վրա հիմնված նոր ծառայություն է գործարկում, որը ֆունկցիոնալությամբ շատ նման է Twitter-ին և պետք է լինի նրա մրցակիցը, գրում է BBC-ի ռուսական ծառայությունը։
«Շփման համար ստեղծված տեքստային հավելվածը», որը կոչվում է Threads, արդեն հասանելի է նախնական պատվերի համար App Store-ում, սակայն այն հնարավոր կլինի ներբեռնել հինգշաբթի օրվանից ոչ շուտ:
Ծառայության նկարագրության մեջ նշվում է, որ Threads-ը հարթակ է, որտեղ «մարդիկ հավաքվում են միասին ամեն բան քննարկելու համար՝ սկսած նրանից, թե ինչ է իրենց այսօր անհանգստացնում, մինչև այն, թե վաղը ինչը կլինի թրենդային»։
Հրապարակված սքրինշոթերից կարելի է եզրակացնել, որ Threads-ի օգտատերերը կկարողանան կարճ տեքստային հաղորդագրություններ տեղադրել, որոնք, ինչպես Twitter-ում, կարելի է հավանել, մեկնաբանել կամ կիսվել:
Նկատենք, որ Twitter-ն օգտատերերի զգալի արտահոսք է ապրում միլիարդատեր Իլոն Մասկի կողմից ընկերությունը գնելուց հետո, որն աշխատանքից ազատել է աշխատուժի գրեթե կեսին և սկսել կրճատել անվճար օգտահաշիվների սեփականատերերի իրավունքները՝ փորձելով ստիպել նրանց գրանցվել Twitter Blue-ի վճարովի տարբերակում:
Վերջին նման քայլն իրականացվել է շաբաթ՝ սահմանափակել թվիթերի քանակը, որոնք հասանելի են անվճար օգտահաշիվներից դիտելու համար: Հայտնի TweetDeck վահանակը դեռ հասանելի է Twitter-ի բոլոր օգտատերերին, սակայն Մասկն արդեն խոստացել է, որ այն կդառնա վճարովի 30 օրից։
Դատելով նոր Threads հավելվածի հրապարակված սքրինշոթներից՝ ծառայությունը կլինի անվճար և առանց դիտման համար հասանելի հաղորդագրությունների քանակի սահմանափակումների։
Տաթև Ֆռանգյան
