24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Զելենսկին կոչ է արել Բայդենին Ուկրաինային հրավիրել ՆԱՏՕ
Քաղաքականություն
04.07.2023 | 13:03
Ուկրաինայի նախագահ Վլադիմիր Զելենսկին CNN-ին տված հարցազրույցում ԱՄՆ նախագահ Ջո Բայդենին կոչ է արել Ուկրաինային անհապաղ պաշտոնապես հրավիրել ՆԱՏՕ, նույնիսկ եթե փաստացի մուտքը տեղի չունենա մինչև պատերազմի ավարտը։
«Նա կողմ է, որ մենք ապագայում լինենք ՆԱՏՕ-ում: Հենց հիմա [դաշինքի պաշտոնական հրավեր է անհրաժեշտ], դա շատ կարևոր է», – CNN-ը հատված է հրապարակել Զելենսկու հարցազրույցից, որի ամբողջական տարբերակը կցուցադրվի չորեքշաբթի երեկոյան։
Ուկրաինայի նախագահի խոսքով՝ հենց ԱՄՆ առաջնորդն է, որ կարող է և պետք է նման որոշում կայացնի, չնայած դաշինքի ցանկացած երկիր ՆԱՏՕ-ի ընդլայնման հարցում վետոյի իրավունք ունի:
Զելենսկին ասել է, որ հասկանում է, որ իրականում Ուկրաինան չի կարողանա միանալ դաշինքին, քանի դեռ պատերազմը շարունակվում է, բայց հրավերը «շատ կարևոր ազդակ» կլինի։
Հուլիսի 11-12-ը Վիլնյուսում տեղի կունենա ՆԱՏՕ-ի գագաթնաժողովը, որտեղ դաշինքի երկրները կքննարկեն, թե ինչպես կարող են ապագայում երաշխավորել Ուկրաինայի անվտանգությունը։ Ուկրաինան, դատելով առաջատար քաղաքական գործիչների հայտարարություններից, դեռ պաշտոնական հրավեր չի ստանա։
