25.07.2026 | 11:33
Երևանում փոշու պարունակությունը գերազանցել է թույլատրելի շեմը միայն Կենտրոնում
ԵՄ-ն կարող է SWIFT-ին միացնել Ռոսսելխոզբանկի դուստր կառույցը, որպեսզի ՌԴ-ն երկարաձգի հացահատիկային գործարքը. FT
Քաղաքականություն
03.07.2023 | 12:22
Եվրամիությունը դիտարկում է պատժամիջոցների տակ գտնվող Ռոսսելխոզբանկին թույլ տալ ստեղծել դուստր կազմակերպություն՝ SWIFT համաշխարհային ֆինանսական համակարգ մուտք գործելու հնարավորությամբ։ Այս մասին գրում է Financial Times-ը՝ վկայակոչելով իրավիճակին ծանոթ հինգ աղբյուրի, փոխանցում է DW-ի ռուսական ծառայությունը։
Սա հնարավորություն կտա ռուսական բանկի ֆինանսական դուստր կառույցին մշակել հացահատիկի արտահանման հետ կապված վճարումները։ Լրատվամիջոցը նշում է, որ այն ուղղված է պաշտպանելու Սևծովյան հացահատիկային գործարքը, որի երկարաձգումը վտանգի տակ է։
Այս պլանն առաջարկվել է Մոսկվայի կողմից ՄԱԿ-ի միջնորդությամբ բանակցություններում և մի քանի օր առաջ ԵՄ գագաթնաժողովում քննարկման առարկա է դարձել՝ որպես պոտենցիալ միջոց՝ Մոսկվային համոզելու երկարաձգել «հացահատիկային գործարքը»։
Լրատվամիջոցի զրուցակիցների խոսքով՝ այս գաղափարի կողմնակիցներն այն ընդունել են որպես «ավել պակաս վատ տարբերակ» Կրեմլի կողմից հացահատիկային գործարքին աջակցություն ապահովելու համար։
Հավելենք, որ Սևծովյան հացահատիկային գործարքը կնքել են ՌԴ-ն, Ուկրաինան, ՄԱԿ-ն ու Թուրքիան 2022 թվականի հուլիսին Ստամբուլում, որը ենթադրում է նավահանգիստներից հացահատիկի արտահանում։ Այդ ժամանակից ի վեր գործարքը մի քանի անգամ երկարաձգվել է, վերջինը՝ մինչև հուլիսի կեսերը։
Էմմա Չոբանյան
