16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Խաղաղության պայմանագիր չի ստորագրվի, ԱՄՆ-ի նպատակը թուղթը չէ․ Գուրգեն Սիմոնյան․ ՏԵՍԱՆՅՈՒԹ
Քաղաքականություն
30.06.2023 | 18:20
Քաղաքագետ Գուրգեն Սիմոնյանը դժվարանում է ասել, թե վաշինգտոնյան բանակցություններում ինչ հարցերի շուրջ կարող էին Հայաստանն ու Ադրբեջանը հասնել համաձայնության։
Սիմոնյանը թեև նշում է, թե բարձր է գնահատում ԱՄՆ-ի ջանքերը, սակայն ասում է՝ բանակցությունների արդյունքների մասին, առհասարակ, հնարավոր կլինի խոսել այն ժամանակ, երբ ադրբեջանական կողմը դուրս գա Հայաստանի օկուպացված տարածքներից և ստեղծվի ապառազմականացված գոտի։
«Այս իրավիճակում որևէ կոնկրետ ակնկալիք ունենալը միամտություն կլինի, բայց երկխոսությունը, միևնույնն է, կարևոր է»,- ասաց քաղաքագետը։
Հիշեցնենք, որ վաշինգտոնյան բանակցությունները Հայաստանի ու Ադրբեջանի արտգործնախարարների միջև մեկնարկել էին հունիսի 27-ին Վաշինգտոնին մերձակա Արլինգթոն քաղաքի Ջորջ Շուլցի անվան Արտաքին հարաբերությունների ազգային ուսումնական կենտրոնում։ Երևանն ու Բաքուն բանակցություններից հետո ամփոփել են արդյունքները նույնանման հայտարարությամբ, ուր, նշված է․
«Նախարարներն ու նրանց թիմերը շարունակել են առաջընթացը «Խաղաղության և միջպետական հարաբերությունների հաստատման մասին» երկկողմ համաձայնագրի նախագծի շուրջ: Նրանք համաձայնության են հասել համաձայնագրի նախագծի ևս մի քանի հոդվածների շուրջ և գրանցել փոխըմբռնման առաջընթաց՝ միևնույն ժամանակ արձանագրելով, որ մի քանի առանցքային հարցերի շուրջ դիրքորոշումները պահանջում են հետագա աշխատանք»:
