04.11.2024 | 22:14
Ադրբեջանը 4,7 մլն դոլար է վճարել լոբբիստներին՝ COP29-ից առաջ իր «ավտորիտար իմիջը մաքրելու» համար․ Democracy for Sale
Ուկրաինայի ԶՈւ-ն հայտնել է Զապորոժիեում և Բախմուտի մերձակայքում փոքր առաջխաղացման մասին
Քաղաքականություն
30.06.2023 | 19:37
Օրվա ընթացքում ուկրաինական զորքերը մասնակի հաջողություններ են գրանցել Զապորոժիեի ուղղությամբ, ասել է Ուկրաինայի զինված ուժերի գլխավոր շտաբի ներկայացուցիչ Անդրեյ Կովալյովը։ Նրա խոսքով հաջողվել է որոշակի առաջընթաց գրանցել Լևադնոյե-Պրիյուտնոե, Մալայա Տոկմաչկա-Օչերետովատոյե, Պրիվոլնոյե-Զալիզնյանսկոե ուղղություններով, գրում է BBC-ի ռուսական ծառայությունը։
Բացի այդ, Ուկրաինայի զինված ուժերը հաջողությամբ գրոհում են Բախմուտի ուղղույթամբ և զսպում են ռուսական զորքերի առաջխաղացումը Լիմանսկի, Ավդեևսկի և Մարիինյան ուղղություններով, ասել է Կովալևը։
Նախօրեին հայտնի դարձավ, որ ուկրաինական ստորաբաժանումները առաջ են շարժվել Բախմուտի ուղղությամբ և սկսել մարտնչել քաղաքից հարավ գտնվող Կուրդյումովկա կարևոր հենակետի համար, ինչպես նաև շարունակել են հարձակումը հյուսիսային հատվածում։
Միևնույն ժամանակ, ինչպես ուրբաթ ասել է Ուկրաինայի պաշտպանության փոխնախարար Աննա Մալյարը, ՌԴ-ն Բախմուտի մոտակայքում մեծ ուժեր է կենտրոնացրել։
Իր հերթին ՌԴ ՊՆ ներկայացուցիչ գեներալ Կոնաշենկովը հաստատել է, որ Ուկրաինայի զինված ուժերը շարունակում են հարձակողական գործողությունները բազմաթիվ ուղղություններով։ Սակայն նա պնդում է, որ ուկրաինական բոլոր հարձակումները «հաջողությամբ հետ են մղվում»։
