16.05.2026 | 15:05
Մայիսի 19-23-ը Հայաստանում կանցկացվի աշխարհի ամենամեծ և հեղինակավոր՝ գինու համտես-մրցույթը՝ «Կոնկուրս Մոնդիալ դե Բրյուսել»-ը
Սաուդյան Արաբիայում ԱՄՆ հյուպատոսության մոտակայքում փոխհրաձգություն է տեղի ունեցել
Քաղաքականություն
29.06.2023 | 15:55
Սաուդյան Արաբիայում ԱՄՆ հյուպատոսության շենքի մոտ փոխհրաձգություն է տեղի ունեցել զինված տղամարդու և անվտանգության աշխատակիցների միջև, ինչի հետևանքով զոհվել են զինված անձն ու Նեպալից անվտանգության աշխատակիցը, գրում է VOA-ն։
«Մեքենայով տղամարդը կանգնել է Ջիդայի վարչական շրջանում ամերիկյան հյուպատոսության շենքի մոտ և դուրս եկել հրազենը ձեռքին։ Այդ պատճառով անվտանգության աշխատակիցները նախաձեռնությունն իրենց ձեռքն են վերցրել, որպեսզի, պահանջներին համապատասխան, դիմակայեն նրան։ Փոխհրաձգությունը հանգեցրել է նրա մահվան»,- հայտնել է Մեքքա նահանգի ոստիկանության ներկայացուցիչը։
Նեպալցին, որն աշխատում էր հյուպատոսարանի անվտանգությունն ապահովող մասնավոր ընկերությունում, մահացել է ստացած վնասվածքներից։
Միջադեպի կապակցությամբ հետաքննություն է սկսվել։
Տաթև Ֆռանգյան
