15.09.2026 | 23:30
Օգոստոսին Հայաստան է այցելել 227,026 զբոսաշրջիկ
Պետբյուջեից 427 մլն դրամի սուբսիդիա՝ «Հարավկովկասյան երկաթուղի» ՓԲԸ-ին
Քաղաքականություն
28.06.2023 | 21:48
ՀՀ կառավարությունը երկաթուղային ցանցի զարգացման և ուղևորափոխադրումներից ստացված վնասի դիմաց «Հարավկովկասյան երկաթուղի» ՓԲԸ-ին սուբսիդիա կտրամադրի։
Կառավարության որոշման նախագծից Factor.am-ը տեղեկանում է, որ 2023 թվականին, 2022 թվականի արդյունքներով, սուբսիդիայի վճարման չափը կազմել է 427 մլն 522 հազար դրամ, սակայն այս տարվա համար բյուջեով նախատեսված է եղել 370 մլն 090 հազար դրամ։ Կառավարությունը 57 մլն 442 հազար դրամ ավելի կփոխանցի, որը կձևակերպվի որպես կրեդիտորական պարտք:
Միաժամանակ, նախագծից տեղեկանում ենք, որ գոյություն ունի պայմանագիր, ըստ որի՝ յուրաքանչյուր տարի ՀՀ կառավարությունը փոխհատուցում է ուղևորափոխադրումների վնասի չափերը՝ անկախ աուդիտորի կողմից տրամադրած տվյալների հիման վրա։
Որոշման նախագծում նշվում է, որ 2023 թվականի համար համաձայնեցված ուղևորատեղերն ավելացել են 64 հազար 990-ով, միջազգային հաղորդակցությունում՝ 2,700-ով, իսկ տեղական հաղորդակցությունում՝ 117 հազար 790-ով։
Նշենք, որ այս նախագիծն ընդգրկված է կառավարության նիստի օրակարգի չզեկուցվող հարցերի ցանկում։
Նարեկ Կիրակոսյան
