Քաղաքականություն
28.06.2023 | 18:51ՌԴ-ն անհանգստացած է Լեռնային Ղարաբաղում զինված միջադեպերի և հրադադարի ռեժիմի խախտումների աճով։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով Լեռնային Ղարաբաղում Ադրբեջանի գիշերային հարձակման վերաբերյալ հարցին, որի հետևանքով արցախցի չորս զինծառայող է զոհվել։
«Մենք կոչ ենք անում կողմերին զսպվածություն դրսևորել և բոլոր վիճելի հարցերը լուծել խաղաղ, քաղաքական և դիվանագիտական ճանապարհով՝ համագործակցելով ռուսական խաղաղապահ զորախմբի հրամանատարության հետ։ Կարծում ենք, որ իրավիճակի ապէսկալացիային կնպաստեր Լաչինի միջանցքի ամբողջական ապաշրջափակումը և խաղաղ բնակչության բնականոն կյանքի համար պայմանների ստեղծումը»,- ասել է Զախարովան։
Ռուսաստանցի պաշտոնյան, սակայն, անպատասխան է թողել լրագրողի հարցը, թե ի՞նչ քայլեր է ձեռնարկում ՌԴ-ն Ադրբեջանին զսպելու համար։
Մանրամասները՝ տեսանյութում։
Տաթև Ֆռանգյան
