26.08.2026 | 20:00
Որտե՞ղ է Ռոբերտ Քոչարյանի և Նաիրի Հունանյանի հանդիպման ձայնագրությունը. Անդրանիկ Քոչարյան. ՏԵՍԱՆՅՈՒԹ
Կոչ ենք անում միջազգային հանրությանը գործնական քայլեր ձեռնարկել ԼՂ ժողովրդի իրավունքների և անվտանգության ապահովման համար․ Նիկոլ Փաշինյան
Քաղաքականություն
28.06.2023 | 14:21
ՀՀ վարչապետ Նիկոլ Փաշինյանը թվիթերյան իր էջում անդրադարձել է Ադրբեջանի զինված ուժերի կողմից Արցախում իրականացված հերթական ագրեսիային։
«Կոչ ենք անում միջազգային հանրությանը գործնական քայլեր ձեռնարկել՝ ապահովելու ԼՂ-ի բնակչության իրավունքներն ու անվտանգությունը։ Մինչ Լաչինի միջանցքը մնում է ապօրինի արգելափակված, այսօր գիշեր անօդաչու թռչող սարքերի կիրառմամբ ադրբեջանական հարձակման հետևանքով այնտեղ կա 4 զոհ։ Բարձր է Հարավային Կովկասում ապակայունացման ռիսկը»,- գրել է Փաշինյանը։
Հիշեցնենք, որ հունիսի 28-ին՝ ժամը 01:30-ից, Ադրբեջանի ԶՈՒ ստորաբաժանումները հրետանային միջոցներից կրակ էին բացել Մարտունու և Մարտակերտի հայկական դիրքերի ուղղությամբ՝ կիրառելով նաև ԱԹՍ-ներ։ Ադրբեջանական սադրանքի հետևանքով զոհվել է ՊԲ չորս զինծառայող։
Էմմա Չոբանյան
