18.12.2025 | 23:24
ՀՀ տարածքում ավտոճանապարհները հիմնականում անցանելի են
Audi-ի սկանդալային դատավարությունն ավարտվել է․ նախկին ղեկավարը դատապարտվել է պայմանական ազատազրկման և 1 մլն եվրո տուգանքի
Քաղաքականություն
27.06.2023 | 22:06
Գերմանական Audi ավտոընկերության նախկին ղեկավարը դատապարտվել է 21 ամիս ժամկետով պայմանական ազատազրկման այն բանից հետո, երբ իրեն մեղավոր է ճանաչել խարդախության մեջ՝ կապված ընկերության արտադրանքի արտանետումների սկանդալի հետ, գրում է Euronews-ը։
Հաղորդվում է, որ Մյունխենի դատանարը Ռուպերտ Շտադլերին պարտավորեցրել է վճարել ավելի քան 1 մլն եվրո տուգանք հետաքննության հետ համաձայնության շրջանակում, ինչպես նաև վճարել դատական ծախսերը: Մյուս երկու մեղադրյալները ստացել են ավելի կարճ ժամկետով պայմանական պատիժներ և ավելի փոքր տուգանքներ։ Դատական գործընթացը շարունակվում էր երկուսուկես տարի։
«Այս խոստովանությունն ուշագրավ է մի քանի առումներով: Առաջին անգամ գերմանական ավտոարտադրողի գործադիր տնօրենը լիովին համաձայնել է դատախազության կողմից իրեն առաջադրված խարդախության մեղադրանքին: Գերմանիայի Դաշնային Հանրապետությունում այդ մակարդակի ոչ մի ղեկավար երբևէ դա չի արել»,- ասել է մյունխենյան դատարանի մամուլի քարտուղար Լորան Լաֆլերը։
Շտադլերը, որը ղեկավարում էր Audi-ի և Volkswagen-ի լյուքս բաժինը, խոստովանել է, որ թույլ է տվել մեքենաներում տեղադրել արտանետումների կանխարգելման հայտնաբերման ծրագրակազմ և դրանք շուկա դուրս բերել նույնիսկ այն բանից հետո, երբ գործը բացահայտվել է ԱՄՆ քննիչների կողմից:
Հանրահայտ Dieselgate սկանդալը գերմանական ավտոհսկային արժեցել է մոտ 28 միլիարդ եվրո տուգանք:
Էմմա Չոբանյան
