25.11.2024 | 14:54
Հնդկաստանը Pinaka համակարգերի առաջին խմբաքանակն է մատակարարել Հայաստանին․ ԶԼՄ
Ստամբուլի ընդդիմադիր քաղաքապետն այցելել է Թուրքիայի միակ հայկական Վաքըֆ գյուղ
Քաղաքականություն
27.06.2023 | 21:44
Ստամբուլի ընդդիմադիր քաղաքապետ Էքրեմ Իմամօղլուն Կուրբան Բայրամի առթիվ այցելել է փետրվարի 6-ի ավերիչ երկրաշարժերից տուժած Հաթայ նահանգ։ Նա այցելել է նաև երկրաշարժից տուժած Թուրքիայի միակ հայկական մնացած Վաքըֆ գյուղ։ Իմամօղլուն հանդիպել է գյուղապետ Պերճ Քարթունի և բնակիչների հետ։
«Մենք պետք է վառ պահենք մեր երկրի այս գեղեցկությունը և աճեցնենք այն: Այս հողերը հյուրընկալել են բազմաթիվ քաղաքակրթություններ և դրանք հասցրել մեր օրերը: Յուրաքանչյուր քաղաքացի պետք է գոյություն ունենա իր էթնիկ ինքնությամբ և հավատքով, և պետք է վերացվեն նրա առջև ծառացած բոլոր դժվարություններն ու խոչընդոտները՝ չխախտելով այս հողերի բերրիությունը։ Այս պահին մենք պետք է նրբանկատորեն գործենք՝ ինչպես պետական, այնպես էլ տեղական ինքնակառավարման մարմինները»,- ասել է Ստամբուլի քաղաքապետը։
Նա հավելել է, որ գյուղ գալով՝ իրեն շատ ավելի հարուստ է զգում։
Հիշեցնենք, որ Վաքըֆ գյուղը նույնպես մեծ վնասներ էր կրել երկրաշարժից։
Էմմա Չոբանյան
