05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
«Կառավարության այս քայլը կարող է որոշակի ազդակ տալ վարկային ներդրումների աճին»․ Ատոմ Մարգարյան․ ՏԵՍԱՆՅՈՒԹ
Տնտեսություն
06.07.2018 | 16:22
Կառավարությունը որոշում կայացրեց ներել մինչև 2018 թվականի դեկտեմբերի 31-ը ներառյալ քաղաքացիների կուտակած վարկային տույժերն ու տուգանքները։
ՀՊՏՀ «Ինովացիոն և ինստիտուցիոնալ հետազոտություններ» լաբորատորիայի ղեկավար, տնտեսագետ Ատոմ Մարգարյանը Կառավարության կողմից այս քայլը քաղաքական կամք է որակում, որի նպատակն է մաքրել քաղաքացիների վարկային պատմությունը՝ թույլ տալով նրանց նոր էջից սկսել։
«Այս համաներումը մեկանգամյա է։ Եթե նայենք զուտ մակրոտնտեսական տեսանկյունից՝ Կառավարության այս քայլը կարող է որոշակի ազդակ տալ վարկային ներդրումների աճին ոչ միայն գյուղատնտեսության ոլորտում, այլև տնային տնտեսություններին՝ խթանելով սպառողական մակարդակը»,- այսօր հրավիրված մամուլի ասուլիսի ժամանակ ասաց նա։
Տնտեսագետը այս պահի դրությամբ գործադիրի որոշումը օպտիմալ որակեց և նշեց, որ ճիշտ է գործում նաև Կենտրոնական բանկը․ «Տեղի են ունենում համակարգային փոփոխություններ և ողջունելի է, որ Կենտրոնական բանկը չգնաց վերաֆինանսավորման տոկոսադրույքի բարձրացման, որովհետև նման իրավիճակներում տարբեր երկրների կենտրոնական բանկերն է՛լ ավելի են ձգում պնդօղակները»։
Մանրամասները՝ տեսանյութում։
