17.12.2025 | 11:10
FIFA The Best. Ում օգտին են քվեարկել Էդուարդ Սպերցյանը և Եղիշե Մելիքյանը
Նովոսիբիրսկում վերաբացվել է «Վագների» հավաքագրման կենտրոնը
Քաղաքականություն
26.06.2023 | 21:22
Նովոսիբիրսկում աշխատանքն է վերսկսել «Վագներ» մասնավոր ռազմական խմբավորման վարձկանների հավաքագրման կենտրոնը, գրում է Meduza-ն։
«Հավաքագրումն ընթացքի մեջ է», – ՏԱՍՍ-ին ասել է կենտրոնի աշխատակիցը:
Նշվում է, որ շենքի մուտքի մոտ, որը գտնվում է Նովոսիբիրսկի կենտրոնում, կրկին կախվել են գովազդային պաստառներ, որոնք հանվել էին հունիսի 24-ին։ Միաժամանակ, Սանկտ Պետերբուրգում ևս «Վագներ կենտրոնը» վերսկսել է աշխատել։ Ըստ ԶԼՄ-ների՝ այժմ այնտեղ վերադարձվում են խուզարկությունների ժամանակ առգրավված համակարգիչները։
Հավելենք, որ «Վագների» ղեկավար Եվգենի Պրիգոժինի ապստամբության մեկնարկից հետո սկսել էին շտապ փակել խմբավորման հավաքագրման կետերը, ինչպես նաև հեռացնել հավաքագրման գովազդային պաստառները:
Հիշեցնենք, որ «Վագների» զինյալներն ապստամբություն էին սկսել և հունիսի 24-ի գիշերը մտել էին Դոնի Ռոստով, որից հետո շարժվել դեպի Մոսկվա։ Նրանք, սակայն, ՌԴ մայրաքաղաք չեն հասել։ Հունիսի 24-ի երեկոյան «Վագներ»-ի ղեկավար Եվգենի Պրիգոժինը հայտարարել է, որ Բելառուսի նախագահ Ալեքսանդր Լուկաշենկոյի հետ բանակցություններից հետո «հետ են դարձնում իրենց շարասյուները» և «հակառակ ուղղությամբ հեռանում են դաշտային ճամբարներ՝ պլանի համաձայն»։ Այնուհետև հայտնի դարձավ, որ Պրիգոժինը մեկնելու է Բելառուս։
Էմմա Չոբանյան
