14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Աշխարհը սինթետիկ թմրամիջոցների օգտագործման բում է ապրում. ՄԱԿ-ը մտահոգություն է հայտնել
Քաղաքականություն
26.06.2023 | 23:18
ՄԱԿ-ի թմրամիջոցների և հանցավորության դեմ պայքարի գրասենյակը զեկույց է հրապարակել աշխարհում թմրամիջոցների օգտագործման վերաբերյալ, որից հետևում է, որ թմրանյութեր օգտագործողների թիվը, հիմնականում՝ սինթետիկ, ավելի շատ է, քան նախկինում ենթադրվում էր։ Ընդհանուր առմամբ, 2021 թվականին 13,2 միլիոն մարդ թմրանյութ է կիրառել, ինչը 18 տոկոսով ավելին է, քան նախորդ գնահատականները, ասվում է զեկույցում:
Սինթետիկ նյութերը, ինչպիսիք են ֆենտանիլը և մետամֆետամինը, այժմ գերակշռում են թմրամիջոցների ապօրինի շուկաներում:
Ամբողջ աշխարհում թմրամիջոց օգտագործողների թիվը 10 տարում աճել է 23%-ով՝ 2021 թվականին հասնելով 296 միլիոնի։ Թմրամիջոցների հետ կապված խանգարումների թիվն աճել է 45%-ով՝ հասնելով գրեթե 40 միլիոն մարդու:
Առավել խոցելի են հոգեկան խանգարումներ, սոցիալ-տնտեսական ցածր մակարդակ ունեցող մարդիկ, ինչպես նաև երիտասարդները:
Արևելյան Եվրոպայում և Հյուսիսային Ամերիկայում ներարկային թմրամիջոցների օգտագործումն ավելի շատ է տարածված, քան Արևելյան և Հարավարևելյան Ասիայում։
Տաթև Ֆռանգյան
