16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Ուկրաինան հայտնել է ռազմաճակատում հաջողությունների մասին
Քաղաքականություն
26.06.2023 | 12:08
Ուկրաինան հակահարձակման մեկնարկից ի վեր ռուսական զորքերից հետ է գրավել հարավային ռազմաճակատի երկայնքով մոտ 130 քառակուսի կիլոմետր տարածք: Այս մասին VOA-ի փոխանցմամբ երկուշաբթի օրը հայտարարել է Ուկրաինայի պաշտպանության փոխնախարար Աննա Մալյարը։
«Իրավիճակը հարավում էապես չի փոխվել վերջին շաբաթվա ընթացքում», – ասել է Մալյարը: Նա հավելել է, որ առաջնագծի արևելյան հատվածում, որն ընդգրկում է Լիմանի, Բախմուտի, Ավդեևկայի և Մարինսկի ուղղությունները, անցած շաբաթվա ընթացքում տեղի է ունեցել շուրջ 250 բախում։
«Այնտեղ դեռևս ծանր մարտեր են ընթանում», – ասել է Մալյարը:
Կիրակի օրը Ուկրաինայի արևելյան ռազմական հրամանատարությունը հայտնել է, որ Ուկրաինայի զինված ուժերը Բախմուտի շրջանում նախորդ օրվա համեմատ առաջ են շարժվել 0,6-1 կմ-ով։ Քաղաքը գրավել էին ռուսական «Վագներ» ռազմականացված խմբավորման վարձկանները մայիսին մի քանի ամիս տևած ծանր մարտերից հետո։
