24.11.2024 | 12:41
Օտարերկրյա ԶԼՄ-ներում շարունակում են զետեղվել սպառազինության ձեռքբերման մասին կեղծ հրապարակումներ․ ՊՆ
Արցախին սպառնում է Նախիջևանի ճակատագիրը. Րաֆֆի Հովհաննիսյան
Քաղաքականություն
23.06.2023 | 15:36
Այսօր ասուլիս է հրավիրել ՀՀ նախկին արտգործնախարար, «Ժառանգություն» կուսակցության ղեկավար Րաֆֆի Հովհաննիսյանը։ Նա անդրադարձել է Արցախի շուրջ զարգացումներին։ Հովհաննիսյանը վարչապետ Փաշինյանին մեղադրել է ՀՀ դիվանագիտական պատմությունը խեղաթյուրելու մեջ։ Նախկին արտգործնախարարի կարծիքով՝ Նիկոլ Փաշինյանի քաղաքականության հետևանքով Արցախին սպառնում է Նախիջևանի ճակատագիրը։
«Արցախն ապրում է կրիտիկական և կյանքին սպառնացող օրեր, և մենք պետք է փոխենք հայոց և նաև միջազգային հանրային կարծիքը։ Նիկոլ Փաշինյանը խոստովանելով, որ Արցախի հայրենակիցներին սպառնում է ցեղասպանություն, և իր քայլերով բերելով Արցախի պաշարում, իսկ բնակչությանն ուղարկելով բանակցությունների ցեղասպան Ադրբեջանի ծոցը՝ դառնում է ցեղասպանության մեղսակից»,–ասաց Հովհաննիսյանը։
Ըստ Հովհաննիսյանի՝ Փաշինյանը փորձում է ՀՀ դիվանագիտական պատմության մեջ գտնել սխալներ` այդ կերպ փորձելով արդարացնել իր քաղաքական որոշումները, այդ թվում՝ պատերազմում պարտությունը։
