Ալիևի հանքերի դեմ բողոքող գյուղում ոստիկանները բռնության են ենթարկել լրագրողներին․ ոստիկանական ծեծը քննադատող գործիչները ձերբակալվել են

Լուրեր

20.11.2026 | 12:38
Ուկրաինական ԱԹՍ-ները հարձակվել են ՌԴ Սմոլենսկի մարզի պայթուցիկ նյութերի բաղադրիչների արտադրության գործարանի վրա
20.11.2026 | 12:29
Հայ մարմնամարզիկները մեդալներ են նվաճել միջազգային մրցաշարում
20.11.2026 | 12:21
Հյուսիս-հարավի Քաջարան-Ագարակ 32 կմ ճանապարհահատվածի շինարարությունն ավարտված է շուրջ 60 տոկոսով
20.11.2026 | 12:10
Լարված իրավիճակ Քոչարյանի գործով նիստին // Վրաստանում սգո օր է հայտարարվել․ ԼՈՒՐԵՐ
20.11.2026 | 12:00
Սոնա Ղազարյանի ճեպազրույցը՝ ՈւՂԻՂ
20.11.2026 | 11:59
Լեհաստանում օդային տագնապ է հայտարարվել՝ Ուկրաինային ՌԴ զանգվածային հարվածների ֆոնին
20.11.2026 | 11:50
Չափանիշներ են պետք, որ հասկանալի լինի՝ խախտումները ինչպես են ազդում քվեարկության արդյունքների վրա․ ՏԵՍԱՆՅՈՒԹ
20.11.2026 | 11:38
Վրաստանում նոյեմբերի 22-ը սգո օր է հայտարարվել Թբիլիսիում շենքի փլուզումից հետո
20.11.2026 | 11:36
Տիգրան Աբրահամյանի ճեպազրույցը՝ ՈւՂԻՂ
20.11.2026 | 11:33
ԱԽ քարտուղարը Էստոնիայի դեսպանի հետ քննարկել է ՀՀ-ԵՄ հարաբերություններն ու տարածաշրջանային զարգացումները
20.11.2026 | 11:28
Եվրոպացի առաջնորդները մերժել են Թրամփի, Պուտինի և Սի Ցզինպինի «Յալթա 2»-ը Ուկրաինայի վերաբերյալ
20.11.2026 | 11:20
Արտարժույթների փոխարժեքները՝ նոյեմբերի 20-ի դրությամբ
20.11.2026 | 11:08
Total Chess. Հայկ Մարտիրոսյանը հաղթել է Արջուն Էրիգաիսիին
20.11.2026 | 10:58
Թրամփը համաձայն է Ուկրաինայի վերաբերյալ որոշումներ չկայացնել՝ առանց Կիևի անմիջական մասնակցության
20.11.2026 | 10:50
Հայ ծանրոդների մրցելույթների ծամանակացույցը Դոհայի վարկանիշային մրցաշարում
Բոլորը

Ադրբեջանի իշխանությունները շարունակում են գործողությունները՝ ճնշելու Գետաբեկի շրջանի Սոյուդլի գյուղի բնակիչների էկոակցիաները։ Հիշեցնենք, որ նախօրեից գյուղը ոստիկանական շրջափակման մեջ է, իրավապահներն անցակետեր են դրել գյուղի մուտքի ու ելքի մոտ՝ հսկելով ճանապարհները։ Նրանք գյուղ են թողնում միայն տեղի գրանցում ունեցողներին։ Անկախ լրագրողներին մուտքը ևս արգելված է։

Մասնավորապես, «Աբզաս Մեդիա»-ի աշխատակից Նարգիզ Աբսալամովան, «Ամերիկայի ձայն»-ի լրագրող Նիգար Մուբարիզը և բլոգեր Էլսևեր Մուրադզադեն, որոնք նկարահանումներ են իրականացրել Սոյուդլի գյուղում, ենթարկվել են ոստիկանական բռնությունների։ Նիգար Մուբարիզը պատմել է, որ ոստիկաններն իրեն բռնությամբ բերման են ենթարկել, ոլորել են Նարգիզի ձեռքը։ Նարգիզի խոսքով էլ՝ ինքն ու իր գործընկերները պայմանավորվել են հանդիպել նկարահանումներից հետո և միասին վերադառնալ Բաքու։ Սակայն իրենց նախ թույլ չեն տվել մտնել գյուղ, հետո ձերբակալել են և նստեցրել մեքենան։

Բացի այդ, մի շարք հանրային գործիչներ են ձերբակալվել համացանցում ոստիկանության բռնությունները քննադատող գրառումների համար։ Մասնավորապես, Սումգայիթի քաղաքային դատարանի հունիսի 22-ի որոշմամբ NIDA քաղաքացիական շարժման անդամ Էլմիր Աբբասովը վարչական կարգով 20 օրով կալանավորվել է։ Աբբասովը ձերբակալվել է Գետաբեկի դեպքերից հետո ոստիկանությանը քննադատող  գրառման համար։ Երիտասարդ ակտիվիստ Գիյաս Իբրահիմովը ևս ձերբակալվել է։ Դատարանն Իբրահիմովին դատապարտել է 30-օրյա վարչական կալանքի։ Նրանից պահանջել են ջնջել ոստիկանությանը բռնությունները քննադատող ֆեյսբուքյան գրառումը, սակայն նա հրաժարվել  է։

Տեղեկություններ են տարածվում, որ ի նշան բողոքի՝ Իբրահիմովը հացադուլ է հայտարարել։

Հիշեցնենք, որ գյուղի բնակիչները երկու օր շարունակ բողոքի ակցիաներ են անցկացնում՝ բողոքելով նախագահ Իլհամ Ալիևի ընտանիքին պատկանող ոսկու հանքերի դեմ։ Նրանք բողոքում են ոսկու արդյունահանման թափոնների արտահոսքի համար երկրորդ արհեստական լճակի կառուցման դեմ՝ նշելով, որ դրանք կառուցում են իրենց արոտավայրերում։ Բնակիչները բողոքում են, որ լճակների կառուցումը, որտեղով թթվային ջրերն են հոսում, բացասաբար է անդրադառնում շրջակա միջավայրի և մարդկանց առողջության վրա։ Իշխանությունները ոստիկանական զորքերով և հատուկ միջոցներով ճնշել են բնակիչների էկոակցիան, նրանց նկատմամբ կիրառել արցունքաբեր գազ, մահակներ՝ ծեծի ենթարկելով նաև տարեցներին։

Գյուղում ձերբակալվածների թիվն ավելացրել է՝ հասնելով 10-ի։ Նրանք դատապարտվել են  20-օրյա կալանքի, 10 մարդ էլ տուժել է ոստիկանական բռնությունից։

Հավելենք, որ ադրբեջանական պետական քարոզչամեքենան արշավ է սկսել  գյուղի բնակիչների դեմ։

Էմմա Չոբանյան