25.07.2026 | 13:49
Թրամփը հասկացել է՝ Ռուսաստանը չի ցանկանում ավարտել պատերազմը, իսկ Ուկրաինան խաղաղություն է ուզում․ Զելենսկի
Մեծ Բրիտանիայի պաշտպանության նախարարը չի հավակնում ՆԱՏՕ-ի գլխավոր քարտուղարի պաշտոնին
Քաղաքականություն
22.06.2023 | 19:29
Մեծ Բրիտանիայի պաշտպանության նախարար Բեն Ուոլեսը Economist-ին տված հարցազրույցում ասել է, որ չի հավակնելու ՆԱՏՕ-ի գլխավոր քարտուղարի պաշտոնին։
Նշենք, որ դաշինքի գործող գլխավոր քարտուղար Յենս Ստոլտենբերգի լիազորությունների ժամկետը լրանում է այս տարվա աշնանը։ Ենթադրվում է, որ ՆԱՏՕ-ի մի քանի անդամներ, ներառյալ՝ Միացյալ Նահանգները, փորձել են Ստոլտենբերգին պահել իր պաշտոնում, սակայն ԱՄՆ պետքարտուղար Էնթոնի Բլինքենը երեքշաբթի ասել է, որ Վաշինգտոնը «ոչ մի կոնկրետ թեկնածուի չի առաջադրում»:
Անցյալ ամիս գերմանական լրատվամիջոցներին տված հարցազրույցում Ուոլեսը վստահեցրել էր, որ իրեն հետաքրքիր կլինի ղեկավարել ՆԱՏՕ-ն։
«Ես միշտ ասել եմ, որ դա լավ աշխատանք կլինի: Սա այն աշխատանքն է, որը ես կցանկանայի: Չնայած ինձ դուր է գալիս այն աշխատանքը, որով զբաղվում եմ հիմա»,- ասել էր նա։
Ենթադրվում է, որ Բեն Ուոլեսը չի կարողացել ստանալ հիմնական դաշնակիցների աջակցությունը:
Տաթև Ֆռանգյան
