02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Շոլցը ՆԱՏՕ-ին Ուկրաինայի արագ անդամակցության հնարավորություն չի տեսնում
Քաղաքականություն
22.06.2023 | 16:48
Գերմանիայի կանցլեր Օլաֆ Շոլցն Ուկրաինային անվտանգության երկարաժամկետ երաշխիքներ է խոստացել, սակայն ցրել է Կիևի՝ ՆԱՏՕ-ին շուտափույթ անդամակցելու հույսերը։ Այս մասին գրում է Reuters գործակալությունը։
«Մենք պետք է սթափ նայենք ներկա իրավիճակին»,- ասել է Շոլցը խորհրդարանում ելույթի ժամանակ։
Նա հավելել է, որ Ուկրաինայի իշխանություններն իրենք են գիտակցում, որ երկիրը չի կարողանա անդամակցել ՆԱՏՕ-ին, քանի դեռ պատերազմը շարունակվում է։
«Ուստի ես առաջարկում եմ [հուլիսի կեսերին Վիլնյուսում կայանալիք ՆԱՏՕ-ի գագաթնաժողովում] կենտրոնանալ գլխավոր առաջնահերթության՝ Ուկրաինայի ռազմական հզորության ամրապնդման վրա»,- ընդգծել է կանցլերը։
Նրա խոսքով՝ Բեռլինը և G7-ի ու Եվրամիության նրա գործընկերներն աշխատում են Կիևի անվտանգության երկարաժամկետ երաշխիքների ուղղությամբ։
Տաթև Ֆռանգյան
