07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Եվրամիությունը ևս 1,5 միլիարդ եվրո օգնություն է հատկացրել Ուկրաինային
Քաղաքականություն
22.06.2023 | 15:28
Եվրամիությունը 18 միլիարդ եվրոյի մակրոֆինանսական օգնության ծրագրի շրջանակում Ուկրաինային հատկացրել է 1,5 միլիարդ եվրոյի հերթական տրանշը։ Այս մասին Twitter-ում գրառմամբ հայտնել է Եվրահանձնաժողովի ղեկավար Ուրսուլա ֆոն դեր Լեյենը։
«Այսօր մենք Ուկրաինային վճարում ենք ևս 1,5 միլիարդ եվրոյի մակրոֆինանսական օգնություն: Մենք աջակցում ենք Ուկրաինայի հանրային ծառայություններին և ենթակառուցվածքներին՝ ազատության համար նրա խիզախ պայքարում: Մենք կայուն ֆինանսական աջակցություն ենք առաջարկել Ուկրաինային մինչև 2027 թվականը: Աշխատում ենք երկարաժամկետ կտրվածքով»,- ասվում է հայտարարության մեջ։
Հիշեցնենք, որ պատերազմի սկզբից Ուկրաինան ստացել է 50 միլիարդ դոլարի ֆինանսական օգնություն, իսկ մայիսի վերջին Եվրամիությունը 1,5 միլիարդ եվրոյի ևս մեկ տրանշ է փոխանցել Կիևին՝ որպես մակրոֆինանսական օգնության ծրագրի մաս։
Տաթև Ֆռանգյան
