18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Լոնդոնում Բայրամովն ուկրաինացի գործընկերոջ հետ տարածաշրջանային և միջազգային անվտանգության հարցեր է քննարկել
Քաղաքականություն
22.06.2023 | 14:27
Ադրբեջանի ԱԳ նախարար Ջեյհուն Բայրամովը Լոնդոն կատարած աշխատանքային այցի ընթացքում հանդիպել է Ուկրաինայի ԱԳ նախարար Դմիտրի Կուլեբայի հետ։ Ըստ Ադրբեջանի ԱԳՆ-ի՝ հանդիպմանը քննարկվել են «երկկողմ և բազմակողմ համագործակցության օրակարգի արդիական հարցեր, Ուկրաինայում տիրող իրավիճակը և Հարավային Կովկասի տարածաշրջանում հետհակամարտային ջանքերը»։
Բայրամովը նշել է, որ Ադրբեջանը, որը «մշտապես աջակցել է Ուկրաինայի տարածքային ամբողջականությանը և ինքնիշխանությանը», շարունակելու է մարդասիրական օգնությունը՝ կապված ուկրաինական ճգնաժամի հետ։
Ըստ հաղորդագրության՝ նա նաև տեղեկացրել է «տարածաշրջանում տիրող իրավիճակի, Ադրբեջանի և Հայաստանի միջև հարաբերությունների կարգավորմանն ուղղված քայլերի և առկա մարտահրավերների մասին»։
Դմիտրի Կուլեբան գոհունակությամբ է խոսել Ադրբեջանի և Ուկրաինայի երկկողմ ու բազմակողմ համագործակցության մասին, երախտագիտությամբ մատնանշել Ուկրաինային տրամադրած Ադրբեջանի մարդասիրական օգնությունը։
Հավելենք, որ Բայրամովը Լոնդոնում մասնակցել է Ուկրաինայի վերականգնմանը նվիրված միջազգային համաժողովին։
Էմմա Չոբանյան
