25.07.2026 | 15:06
Իրանը ցանկանում է համաձայնագիր կնքել, բայց դեռ պատրաստ չէ դրան․ Թրամփ
Փարիզում արտակարգ պատահարից հետո շենք է փլուզվել․ կան տուժածներ
Քաղաքականություն
21.06.2023 | 22:26
Փարիզի Սեն Ժակ փողոցի շենքերից մեկում այսօր պայթյուն է որոտացել: ՏԱՍՍ-ի փոխանցմամբ՝ այս տեղեկությունը հաստատել է Ֆրանսիայի ներքին գործերի նախարար Ժերալդ Դարմանենը։
Փարիզի ոստիկանության պրեֆեկտ Լորան Նունյեսը հաստատել է, որ պայթյունը տեղի է ունեցել Փարիզի ամերիկյան ակադեմիայի շենքում՝ Սեն Ժակ փողոցում։ Նրա խոսքով՝ պայթյունից հետո հրդեհ է բռնկվել և շենքերից մեկը փլուզվել է:
BFM հեռուստաալիքի փոխանցմամբ՝ առնվազն 16 մարդ է տուժել, նրանցից 7-ի վիճակը ծայրահեղ ծանր է, 9-ինը՝ ծանր։ Դեպքի վայրում աշխատում է 230 հրշեջ և 9 բուժաշխատող:
Մերձակայքի շենքերում ապակիներ են կոտրվել։ Մոտակա երկու շենքերի բնակիչներին տարհանել են։
Նախնական տվյալներով՝ պայթյունի պատճառը գազի արտահոսքն է եղել, հայտնել է Liberation թերթը:
Ավելի ուշ Փարիզի ոստիկանության պրեֆեկտ Լորան Նունյեսը հայտարարել է, որ հրդեհը մեկուսացվել է, փրկարարները փլատակներում փնտրում են տուժածներին: Նունյեսի խոսքով՝ պայթյունի պատճառների մասին խոսելը դեռ վաղ է:
