24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ուրսուլա ֆոն դեր Լեյենն առաջարկել է ԵՄ բյուջեում 50 մլրդ եվրո պահել Ուկրաինայի համար
Քաղաքականություն
20.06.2023 | 19:53
Եվրահանձնաժողովի նախագահ Ուրսուլա ֆոն դեր Լեյենը կոչ է արել 50 միլիարդ եվրո պահել ԵՄ բյուջեում առաջիկա չորս տարիների ընթացքում Ուկրաինային փոխանցելու համար՝ որպես երկրի վերակառուցման ծրագրի մաս, գրում է BBC-ի ռուսական ծառայությունը։
«Սա ներառում է և՛ փոխառություններ, և՛ դրամաշնորհներ։ Այս պահուստը հեռանկարներ կապահովի Ուկրաինայում մեր գործընկերների համար, կանխատեսելիություն, ինչպես նաև կխթանի մյուս դոնորներին»,- ասել է ֆոն դեր Լեյենը։
Ուկրաինային տրամադրվող հսկայական օգնության փաթեթի մասին ավելի վաղ արդեն հայտնի էր դարձել, իսկ այս հայտարարությամբ այն պաշտոնական բնույթ է ստանում։
Եվրոպացի պաշտոնյայի խոսքով՝ պատերազմը պահանջում է ծայրահեղ ճկունություն Ուկրաինայի դաշնակիցներից, և ֆինանսական պահուստը թույլ կտա ԵՄ իշխանություններին կարգավորել ֆինանսական աջակցությունը իրավիճակի զարգացմանը համապատասխան:
Ուրսուլա ֆոն դե Լեյենը նշել է, որ ներկայում Ուկրաինան ԵՄ օրակարգում առաջնահերթություն է, որին հաջորդում են միգրացիայի խնդիրները, արտաքին վտանգներն ու դաշինքի մրցունակության ամրապնդումը։
Էմմա Չոբանյան
