24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
«Ագորա» իրավապաշտպան խմբի գործունեությունը ՌԴ-ում «անցանկալի» է ճանաչվել
Քաղաքականություն
19.06.2023 | 20:21
ՌԴ Գլխավոր դատախազությունն անցանկալի է ճանաչել «Ագորա» միջազգային իրավապաշտպան խմբի գործունեությունը Ռուսաստանում։ Ուղիղ մեկ ամիս առաջ Greenpeace բնապահպանական կազմակերպությունը ևս ճանաչվել է անցանկալի։ Նման կազմակերպության գործունեությանը մասնակցելը, ՌԴ օրենսդրության համաձայն, քրեական հանցագործություն է, գրում է BBC-ի ռուսական ծառայւթյունը:
Գլխավոր դատախազության մամուլի հաղորդագրության համաձայն՝ անցանկալի է ճանաչվել «Ագորա»-ի բուլղարական իրավաբանական անձը՝ «Law Sofia Foundation» անվանումով:
«Ագորան» անցանկալի ճանաչելը գերատեսչությունը բացատրել է նրանով, որ դրա աշխատանքում, իբր, շեշտը դրվում է «ՌԴ-ում քաղաքացիների ազատությունների ու իրավունքների ոտնահարման փաստերի տարածմամբ և լուսաբանմամբ, արտահայտված հակառուսական տրամադրվածությամբ ընդդիմադիրներին իրավաբանական օգնություն ցուցաբերելով, այդ թվում՝ ծայրահեղական ճանաչված կազմակերպությունների կողմնակիցներին»։
Կազանի Մարդու իրավունքների կենտրոնի, Չիտայի մարդու իրավունքների կենտրոնի և չուվաշական «Վահան և սուր» իրավապաշտպան կազմակերպության կողմից ստեղծված «Ագորան» գործունեությունը սկսել է 2005 թվականին։ 2014 թվականին «Ագորա» ասոցիացիան ընդգրկվել է «օտարերկրյա գործակալի» գործառույթներ իրականացնող ՀԿ-ների ռեգիստրում, իսկ 2016 թվականին այն լուծարվել է Արդարադատության նախարարության հայցով։
2015 թվականից «Ագորան» սկսել է աշխատել որպես միջազգային իրավապաշտպան նախագիծ։
Տաթև Ֆռանգյան
