25.07.2026 | 14:02
Վոզինյան նոր ակումբ ունի, դարպասապահի տրանսֆերային արժեքն ավելացել է 10 անգամ
Սի Ցզինպինն ու Էնթոնի Բլինքենը Պեկինում հանդիպել են
Քաղաքականություն
19.06.2023 | 14:41
Պեկինում հանդիպել են Չինաստանի նախագահ Սի Ցզինպինը և ԱՄՆ պետքարտուղար Էնթոնի Բլինքենը, հայտնում է Xinhua-ն։
Չինաստանի ղեկավարը հույս է հայտնել, որ պետքարտուղարի այցը կնպաստի երկու երկրների հարաբերությունների կայունացմանը։
«Պետությունների փոխգործակցությունը միշտ պետք է հիմնված լինի փոխադարձ հարգանքի և անկեղծության վրա։ Հուսով եմ, որ պետքարտուղար Բլինքենն այս այցի միջոցով կկարողանա դրական ներդրում ունենալ Չինաստան-ԱՄՆ հարաբերությունների կայունացման գործում»,- ասել է Սի Ցզինպինը:
Նշենք, որ Էնթոնի Բլինքենը երկօրյա այցով Չինաստան է ժամանել հունիսի 18-ին։ Նա դարձել է ԱՄՆ ամենաբարձրաստիճան պաշտոնյան, որն այցելել է Չինաստան 2018 թվականից ի վեր։
Տաթև Ֆռանգյան
