24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Բլինքենը Պեկինում բանակցություններ է անցկացրել Չինաստանի ԱԳ նախարարի հետ
Քաղաքականություն
19.06.2023 | 13:40
ԱՄՆ պետքարտուղար Էնթոնի Բլինքենը Չինաստան այցի ընթացքում փակ ձևաչափով բանակցություններ է անցկացրել Արտաքին հարաբերությունների հանձնաժողովի գրասենյակի ղեկավար Վան Յիի հետ։ Բլինքենը բարձրաստիճան առաջին ամերիկացի դիվանագետն է, որն այցելում է Չինաստան վերջին 5 տարիների ընթացքում, գրում է Euronews-ը։
Նախօրեին Բլինքենը հանդիպել է նաև իր չինացի գործընկեր Ցին Գանի հետ։ Բանակցությունները որակվել են «անկեղծ», «բովանդակալից» և կառուցողական»։
Բլինքենն ընդգծել է Պեկինի հետ հարաբերությունները պատասխանատու կերպով կառուցելու համար «հաղորդակցության բաց ուղիների» պահպանման կարևորությունը։ Ցինն իր հերթին հայտարարել է, որ Պեկինը հավատարիմ է երկու երկրների կառավարությունների միջև կայուն և կանխատեսելի հարաբերությունների կառուցմանը։
Հավելենք, որ Վաշինգտոնն ու Պեկինը տարաձայնություններ ունեն մի շարք հացերում՝ առևտրից և տեխնոլոգիաներից մինչև անվտանգային հարցեր։ Բլինքենի բանակցությունները Չինաստանի կառավարության ներկայացուցիչների հետ միտված են նվազեցնելու երկրների միջև լարվածությունը, որն աճել է ամերիկյան օդային տարածքում չինական օդապարիկի խոցման հետ կապված միջադեպից հետո։
Նշենք, որ Էնթոնի Բլինքենի Պեկին այցը կավարտվի Չինաստանի նախագահ Սի Ցզինպինի հետ հանդիպմամբ։
Էմմա Չոբանյան
