04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Կալիֆորնիայի ծոցում 6,4 մագնիտուդով երկրաշարժ է տեղի ունեցել
Քաղաքականություն
19.06.2023 | 16:06
Կալիֆորնիայի ծոցում 6,4 մագնիտուդով երկրաշարժ է տեղի ունեցել, հայտնում է Reuters-ը՝ վկայակոչելով Եվրոպական միջերկրածովյան սեյսմոլոգիական կենտրոնի տվյալները։
Միաժամանակ, ըստ ԱՄՆ երկրաբանական ծառայության տվյալների, երկրաշարժի ուժգնությունը կազմել է 6,3 բալ։
Մեքսիկայի քաղաքացիական պաշտպանության գրասենյակը հաստատել է, որ այն շրջաններում, որտեղ զզացվել են ցնցումները, ավերածություններ չկան: Այնուամենայնիվ, ափամերձ շրջանների բնակիչներին խորհուրդ է տրվում անվտանգության միջոցներ ձեռնարկել նավահանգիստներում հնարավոր հոսանքների պատճառով:
Նշվում է, որ երկրաշարժը տեղի է ունեցել 10 կմ խորության վրա։ Ցունամիի նախազգուշացման ԱՄՆ համակարգը հայտնել է, որ երկրի Արևմտյան ափի, Բրիտանական Կոլումբիայի և Ալյասկայի համար սպառնալիքներ չկան:
Այն տարածաշրջանում, որտեղ տեղի է ունեցել երկրաշարժը, ծովի ջրի մակարդակի փոքր տատանումներ կարող են գրանցվել, հայտնում է Մեքսիկայի քաղաքացիական պաշտպանության վարչությունը:
Տաթև Ֆռանգյան
