10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
«Ռոբերտ Քոչարյանը կալանավորված չէ, իսկ աստիճանները վերևից պետք է սկսել մաքրել»․ Տիգրան Պասկևիչյան. ՏԵՍԱՆՅՈՒԹ
Քաղաքականություն
05.07.2018 | 12:16
Հրապարակախոս, «Հայաստանի կորսված գարունը» ֆիլմի հեղինակ Տիգրան Պասկևիչյանը գտնում է, որ «Մարտի 1-ը» միայն տասը մարդու սպանության օր չէր, և իրականում խոսքը ոչ միայն տասը սպանությունների, այլ մարդկության դեմ գործած հանցագործության մասին է։
«Ես լավատես չեմ, քանի դեռ այս գործով Ռոբերտ Քոչարյանը կալանավորված չէ, իսկ աստիճանները վերևից պետք է սկսել մաքրել, Ռ․ Քոչարյանը, եթե կալանավորված լինի, նրա դիմաց պետք է դնել 2009-2011 թվականներին կազմված 4 զեկույցները, որտեղ մանրամասն գրված է՝ ով զենքը ումից վերցրեց և ում տվեց»,- ասաց հրապարակախոսը։
Վերջինիս խոսքով՝ Քոչարյանին նախ պետք է բերել դատարան, քանի որ անհասկանալի է, ինչու են Միքայել Հարությունյանի նկատմամբ կալանավորումն ընտրում որպես խափանման միջոց, իսկ Քոչարյանին որպես վկա են կանչում։ «Ինչի՞ն է վկա Քոչարյանը։ Ռ․ Քոչարյա՛ն, դու եղել ես Գլխավոր գերագույն հրամանատար, իսկ ոչ մի տանկ, ոչ մի զրահատեխնիկա չէր կարող շարժվել առանց հրամանի։ Այնպես որ, ես հույս ունեմ, որ այս գործը, որը սկսել է բացահայտվել, շատ ճշգրիտ ավարտ կունենա՝ հակառակ պարագայում, ինձ չի հետաքրքրում, որ այս կամ այն գնդապետը կդատապարտվի»,- ասաց Տիգրան Պասկևիչյանը։
Մանրամասները՝ տեսանյութում։
